Gospelimages (Imazhe Ungjilli) është i përkushtuar për përhapjen e mesazhit Biblik sa më gjërësisht që të jetë e mundur përmes pikturave, por jo për arsye përfitimi. Përmes dyqanit të web-it është e mundur të blihen riprodhime të cilësisë së lartë në kanavacë të pikturës së zgjedhur. Të gjitha të ardhurat nga të drejtat do të jenë të disponueshme tek GlobalRize, “duke tejshkuar botën për Krishtin online”. www.globalrize.org Ju po largoheni nga website-i.
Kthehu te indeksi
Shkarkoe imazhin falas
A preferon një stampim në kanavacë?
Jezusi lutet në Gjetsemani
Marku 14:32-35
32 Pastaj ata arritën në një vend që quhej Gjetsemani; dhe ai u tha dishepujve të vet: “Uluni këtu, derisa unë të jem lutur”. 33 Dhe mori me vete Pjetrin, Jakobin dhe Gjonin, dhe filloi ta zërë frika dhe ankthi; 34 dhe u tha atyre: “Shpirti im është thellësisht i trishtuar, deri në vdekje; qëndroni këtu dhe rrini zgjuar”. 35 Dhe, si shkoi pak përpara, ra përmbys përtokë dhe lutej që, po të ishte e mundur të largohej prej tij ajo orë.Teksti i plotë i biblës
Marku 14:32-42
32 Pastaj ata arritën në një vend që quhej Gjetsemani; dhe ai u tha dishepujve të vet: “Uluni këtu, derisa unë të jem lutur”.
33 Dhe mori me vete Pjetrin, Jakobin dhe Gjonin, dhe filloi ta zërë frika dhe ankthi;
34 dhe u tha atyre: “Shpirti im është thellësisht i trishtuar, deri në vdekje; qëndroni këtu dhe rrini zgjuar”.
35 Dhe, si shkoi pak përpara, ra përmbys përtokë dhe lutej që, po të ishte e mundur të largohej prej tij ajo orë.
36 Dhe tha: “Abba, Atë, çdo gjë për ty është e mundur, largoje prej meje këtë kupë! Por jo atë që dua unë, por atë që do ti!”.
37 Pastaj u kthye mbrapa, i gjeti duke fjetur dhe i tha Pjetrit: “Simon, po fle? S’ke qenë i zoti të rrish zgjuar një orë të vetme?
38 Rrini zgjuar dhe lutuni që të mos hyni në tundim; sigurisht fryma është e gatshme, por mishi është i dobët”.
39 U largua përsëri dhe u lut duke thënë të njëjtat fjalë.
40 Kur u kthye, i gjeti përsëri në gjumë, sepse sytë e tyre ishin rënduar dhe ata nuk dinin çfarë t’i përgjigjeshin.
4 Së fundi, kthehet për të tretën herë dhe u thotë atyre: “Flini tani dhe pushoni. Mjaft; erdhi ora. Ja, Biri i njeriut po dorëzohet në duart e mëkatarëve.
42 Çohuni, të shkojmë; ja, ai që po më tradhton është afër!”.
Mbi pikturën
Pasi kremtoi darkën e pashkës me dishepujt e Tij në Jerusalem, Jezusi i mori me vete jashtë qytetit te shpella e ullinjve në rrëzë të malit të Ullinjve; Gjetsemani. Ky emër, rrjedh nga aramaishtja ‘Gath shemanim’, që do të thotë ‘shtypës ulliri’.
Në Gjetsemani, presioni i jashtëzakonshëm i vuajtjeve që po afronin u derdh mbi Jezusin. Te Luka 12:50 ai thotë: “Por kam për t’u pagëzuar me një pagëzim edhe sa shtrëngohem derisa kryhet”.
Në ullishte, Jezusi dëshiron të lutet. Ai largohet nga dishepujt e tij, trishtohet shumë dhe tmerrohet. Plotësisht i vetëdijshëm për vuajtjet që do vijnë, Ai bie përtokë dhe i lutet Atit të Tij nëse është e mundur ta largojë këtë kupë nga Ai. Por menjëherë shton: “Por jo atë që dua unë, por atë që do ti!”.
Psalmi 40:8 profetizon për Jezusin: “Perëndia im, unë gëzohem kur zbatoj vullnetin tënd dhe ligji yt është brenda zemrës sime”.
Gjoni 6:38 :
38 ... sepse unë kam zbritur prej qiellit jo për të bërë vullnetin tim, por vullnetin e Atij që më ka dërguar.
Fakti që Jezusi dëshiron të përballojë vuajtjet tregon bindjen e Tij të plotë ndaj Atit dhe po ashtu dashurinë e madhe ndaj nesh. Ai e dinte pse duhet të vuante dhe nuk vuajti si martir: Marku 10:45 : “Sepse edhe Biri i njeriut nuk erdhi që t’i shërbejnë, por për të shërbyer dhe për të dhënë jetën e tij si shpërblesë për shpengimin e shumë vetave”.
Në vendin tonë ai mbajti dënimin që ne kemi merituar për mëkatin tonë.
Në themelimin e Darkë së Zotit, ai iu referua kësaj:
Marku 14:24 : “Atëherë u tha: “Ky është gjaku im, gjaku i besëlidhjes së re, që derdhet për shumë veta”.
Jo vetëm frika e vuajtjeve fizike, por e tërë pesha e zemërimit të Perëndisë për mëkatin e botës u derdh mbi Jezusin. Kjo është ajo çka e bëri jashtëzakonisht të vështirë.
Gjatë lutjes së Tij, dishepujt i zuri gjumi. Kur ai u kthye tek ata, Jezusi u zhgënjye se ata nuk mund ta ruanin Atë as për një orë.
Ai i udhëzoi: ‘38 Rrini zgjuar dhe lutuni që të mos hyni në tundim; sigurisht fryma është e gatshme, por mishi është i dobët’.
Jezusi dha shembullin se si dishepujt e Tij mund t’u rezistonin sprovave, përkatësisht përmes lutjeve paraprake. Gjatë mundimit të lutjes, Jezusi fortësohet nga Ati i Tij (Luka 22:43). Pastaj Ai me vetëdije pranon vuajtjet. Shpirti i Tij krejtësisht i bashkuar me vullnetin e Ati të Tij.