Gospelimages (Imazhe Ungjilli) është i përkushtuar për përhapjen e mesazhit Biblik sa më gjërësisht që të jetë e mundur përmes pikturave, por jo për arsye përfitimi. Përmes dyqanit të web-it është e mundur të blihen riprodhime të cilësisë së lartë në kanavacë të pikturës së zgjedhur. Të gjitha të ardhurat nga të drejtat do të jenë të disponueshme tek GlobalRize, “duke tejshkuar botën për Krishtin online”. www.globalrize.org Ju po largoheni nga website-i.
Kthehu te indeksi
Shkarkoe imazhin falas
A preferon një stampim në kanavacë?
Biseda e Jezusit me Pjetrin
Gjoni 21:15
Por mbasi hëngrën mëngjesin, Jezusi i tha Simon Pjetrit: “Simon i Jonas, a më do ti mua më shumë se këta?”. Iu përgjigj: “Po, Zot, ti e di se unë të dua”. I tha përsëri: “Kulloti qengjat e mi!”.Teksti i plotë i biblës
Gjoni 21: 15-19
15 Por mbasi hëngrën mëngjesin, Jezusi i tha Simon Pjetrit: “Simon i Jonas, a më do ti mua më shumë se këta?”. Iu përgjigj: “Po, Zot, ti e di se unë të dua”. I tha përsëri: “Kulloti qengjat e mi!”.
16 Përsëri i tha për të dytën herë: “Simon i Jonas, a më do ti mua?”. Iu përgjigj: “Po, Zot, ti e di se unë të dua”. Ai i tha: “Ruaji delet e mia”.
17 E pyeti për të tretën herë: “Simon i Jonas, a më do ti mua?”. Pjetri u trishtua pse e pyeti për të tretën herë: “A më do ti mua?”, dhe i tha: “Zot, ti i di gjithë gjërat, ti e di se unë të dua”. Jezusi i tha: “Kulloti delet e mia.
18 Në të vërtetë, në të vërtetë të them: kur ti ishe më i ri, ngjishje veten tënde dhe ecje ku të doje; por kur të jesh plak, do t’i shtrish duart dhe dikush tjetër do të të ngjeshë e do të të çojë atje ku ti nuk do të doje”.
19 Por këto i tha, duke treguar me ç’vdekje do ta përlëvdonte Perëndinë. Dhe, si i tha këto, i tha: “Ndiqmë”.
Mbi pikturën
Pas ringjalljes së Jezusit prej vdekjes, Ai i shfaqet disa herë në mish e trup dishepujve të Tij. Tani ai shfaqet në Detin e Galilesë. Dishepujt peshkuan gjithë natën pa rezultat. Atëherë Jezusi mrekullisht dorëzoi një kapje të madhe peshqish. Ky peshkim është një pamje e një numri të madh njerëzish që do të bëhen ndjekës të Jezusit kur ai të dërgojë në botë dishepujt e Tij si “peshkatarë njerëzish”.
Biseda me Pjetrin që ndodh pas vaktit në breg të detit, mund të kuptohet përkundër sfondit të mohimit të trefishtë të Pjetrit. Tre herë Pjetri e mohoi se e njihte Jezusin kur po merrej në pyetje në shtëpinë e kryepriftit.
Jezusi tani e pyet Pjetrin tri herë nëse Pjetri e do Atë. Tre herë Pjetri përgjigjet me pohim, edhe pse me shprehi më të dobëta, “Ti e di që të dua” (greqishtja ‘philein’). Pjetri arriti ta shihte veten si dikush që është i pabesë ndaj Jezusit në fund të ditës. Kjo e përuli atë.
Jezusi tregon dashurinë e Tij zemërbutë për Pjetrin, duke e rikthyer atë në detyrën e apostullit; Ai e urdhëron që të bëhet bari i deleve të Tij. Ndjekësit e Jezusit këtu krahasohen me kope delesh.
Në vargjet 18 dhe 19 Jezusi tregon se ndjekja e Jezusit do t’i kushtojë Pjetrit jetën e tij. Te 2 Pjetrit 1:14 duket se edhe Pjetri e kuptoi në këtë mënyrë: “duke ditur se, së shpejti do të lë këtë tendën time, sikurse edhe ma tregoi Zoti ynë Jezu Krisht”.
Pjetri tani e pranon pasojën e ndjekjes së Krishtit.
Besimi në Jezus testohet, si metal që pastrohet ose testohet në zjarr. Në letrat që Pjetri u shkruan përbashkësive të Krishtit disa 30 vite më vonë, ai u thotë atyre “të mos tronditen nga provat e zjarrta të besimit të tyre”, sepse të ndjekurit e Krishtit do të thotë bashkëvuajtje me Të, dhe më vonë edhe gëzimi i përbashkët në lavdinë e Tij dhe fitoren mbi vdekjen. Ai i thërret besimtarët që gjithmonë “të jenë gati për mbrojtje ndaj kujtdo që ju kërkon fjalë për shpresën që është në ju, por me butësi e me druajtje...”. 1 Pjetrit 3:15.
Si bari i deleve të Krishtit, ai thërret po ashtu të tjerët që të kujdesen për kopenë e Perëndisë, të jenë vigjilentë kundër tundimeve të djallit dhe të jenë shembull për kopenë.