Gospelimages (Imazhe Ungjilli) është i përkushtuar për përhapjen e mesazhit Biblik sa më gjërësisht që të jetë e mundur përmes pikturave, por jo për arsye përfitimi. Përmes dyqanit të web-it është e mundur të blihen riprodhime të cilësisë së lartë në kanavacë të pikturës së zgjedhur. Të gjitha të ardhurat nga të drejtat do të jenë të disponueshme tek GlobalRize, “duke tejshkuar botën për Krishtin online”. www.globalrize.org Ju po largoheni nga website-i.
Kthehu te indeksi
Shkarkoe imazhin falas
A preferon një stampim në kanavacë?
Pendimi i Pjetrit
Luka 22:62
Atëherë Pjetri doli përjashta dhe qau me hidhërim.Teksti i plotë i biblës
Luka 22:54-62
54 Dhe si e kapën, e çuan dhe e futën në shtëpinë e kryepriftit. Dhe Pjetri e ndiqte nga larg.
55 Dhe, kur ata ndezën një zjarr në mes të oborrit dhe u ulën bashkë, Pjetri u ul midis tyre.
56 Por një shërbëtore e pa ulur pranë zjarrit, ia nguli sytë dhe tha: “Edhe ky ishte me të”.
57 Por ai e mohoi duke thënë: “O grua, nuk e njoh”.
58 Dhe pak më vonë e pa një tjetër dhe tha: “Edhe ti je nga ata”. Por Pjetri tha: “O njeri, nuk jam”.
59 Mbasi kaloi rreth një orë, një tjetër nguli këmbë duke thënë: “Në të vërtetë edhe ky ishte bashkë me të, sepse edhe ky ishte galileas”.
60 Por Pjetri tha: “O njeri, s’di ç’po thua”. Dhe menjëherë, ndërsa ai ende po fliste, këndoi gjeli.
61 Dhe Zoti u kthye, dhe e shikoi Pjetrin. Dhe Pjetrit iu kujtua fjala që i kishte thënë Zoti: “Para se të këndojë gjeli, ti do të më mohosh tri herë”.
62 Atëherë Pjetri doli përjashta dhe qau me hidhërim.
Mbi pikturën
Mohimi i Pjetrit ishte parathënë nga Jezusi. Ai i drejtohet Pjetrit me emrin e tij të vjetër, Simon: “31 Simon, Simon, ja, Satani ka kërkuar t’ju shoshë ashtu siç shoshet gruri. 32 Por unë jam lutur për ty, që besimi yt të mos mpaket; dhe ti, kur të kthehesh, forco vëllezërit e tu”. Luka 22:31-32.
Ashtu si me Jobin (Jobi 1:6-12, 2:1-7,) Satani i kërkon Perëndisë që ai të mund ta vërë në provë Pjetrin në mënyrë që ta rrëzojë. Vetëm deri aty ku Perëndia e lejon këtë, Satani mund të veprojë kështu. Qëllimi i djallit është t’i bëjë dishepujt të humbasin besim dhe t’i akuzojë ata përpara Perëndisë. Megjithatë, kundër djallit, i cili kërkon shkatërrimin e dishepujve, Jezusi e paraqet Vetveten si Avokatin e tyre; ‘Por unë jam lutur për ty, që besimi yt të mos mpaket’, etj.
Pjetri e kishte bërë rrëfimin më përpara: ‘Ti je Krishti i Perëndisë’, Luka 9:20. Por tani Perëndia e lejon djallin të vërë në provë Pjetrin. Sidoqoftë, për shkak të ndërmjetësimit të Krishtit, besimi i Pjetrit nuk do të zhduket në kohë gjatë sprovës, por më shumë do të pastrohet.
Djalli e shtyn Pjetrin të mohojë Jezusin 3 herë. Atëherë Jezusi kthehet dhe e shikon atë. Pjetri pendohet, dhe pasi del jashtë, qan me hidhërim.
Në pikturë, Pjetri zbret shkallët që çojnë për tek shtëpia e Kajafës, kryepriftit.