Gospelimages (Imazhe Ungjilli) është i përkushtuar për përhapjen e mesazhit Biblik sa më gjërësisht që të jetë e mundur përmes pikturave, por jo për arsye përfitimi. Përmes dyqanit të web-it është e mundur të blihen riprodhime të cilësisë së lartë në kanavacë të pikturës së zgjedhur. Të gjitha të ardhurat nga të drejtat do të jenë të disponueshme tek GlobalRize, “duke tejshkuar botën për Krishtin online”. www.globalrize.org Ju po largoheni nga website-i.
Kthehu te indeksi
Shkarkoe imazhin falas
Rënia e Jerikos
Jozueu 6:5
Kur ata t’u bien pa pushim brirëve të dashit dhe ju të dëgjoni zërin e borisë, tërë populli do të bëjë një ulërimë të madhe; atëherë muret e qytetit do të shemben dhe populli do të ngjitet, gjithsekush drejt, përpara.Teksti i plotë i biblës
Jozueu 5:13-15 dhe Jozueu 6:1-5.
13 Por ndodhi që, ndërsa Jozueu ishte afër Jerikos, ngriti sytë dhe pa, dhe, ja, një njeri i qëndronte përpara me një shpatë të zhveshur në dorë. Jozueu i doli përballë dhe i tha: “A je ti për ne o për armiqtë tanë?”.
14 Ai u përgjigj: “Jo, unë jam kreu i ushtrisë së ZOTIT; sapo kam arritur në këtë çast”. Atëherë Jozueu ra përmbys para tij dhe tha: “Çfarë dëshiron t’i thotë Zotëria im shërbëtorit të tij?’.
15 Kreu i ushtrisë së ZOTIT i tha Jozueut: “Zbath sandalet, sepse vendi ku je është i shenjtë”. Dhe Jozueu veproi ashtu.
1 Jerikoja ishte i mbyllur dhe i mbrojtur mirë nga frika e bijve të Izraelit; askush uk dilte dhe askush nuk hynte në të.
2 ZOTI i tha Jozueut: “shiko, unë të kam dhënë në dorë Jerikon, mbretërinë e tij dhe luftëtarët e tij trima.
3 Ju të gjithë, luftëtarët, do të marshoni rreth qytetit, do të silleni një herë rreth tij. Kështu do të bëni gjashtë ditë me radhë.
4 Shtatë priftërinj do të mbajnë përpara Arkës shtatë bori prej briri të dashit; por ditën e shtatë do të silleni rreth qytetit shtatë herë dhe priftërinjtë do t’i bien borive.
5 Kur ata t’u bien pa pushim brirëve të dashit dhe ju të dëgjoni zërin e borisë, tërë populli do të bëjë një ulërimë të madhe; atëherë muret e qytetit do të shemben dhe populli do të ngjitet, gjithsekush drejt, përpara.
Mbi pikturën
Me porosi të Perëndisë, Jozueu u caktua nga Moisiu të ishte lideri i ri i Izraelitëve. Numrat 27. Nën udhëheqjen e Jozueut, populli kaloi lumin Jordan për në Tokën e Premtuar. Perëndia mrekullisht i mbajti të veçuara ujërat e Jordanit, në mënyrë që populli të kalonte shtratin e lumit me këmbë të thata.
Tani populli qëndron përpara Jerikos, qyteti në rrafshinën palmore të Jordanit. Qyetti me mure të dyfishta, duhet të kapej rob, nëse populli duhet të kish mundësi të lëvizte përpara në vend, përmes kalimit malor aty afër.
Atëherë Engjëlli i Zotit / Komandant i ushtrisë së Zotit, i shfaqet Jozueut. Ai e udhëzon Jozueun. Ai është komandanti i vërtetë i kësaj beteje. Me besim dhe besë në Zotin, populli duhet të ndjekë udhëzimet e Tij për shtatë ditë. Besimi dhe durimi vihen në provë.
Arka e Besëlidhjes duhet të mbartet, një shenjë se Zoti është në mesin e tyre. Në ditën e shtatë muret bien, izraelitët vrasin banorët e Jerikos me përjashtim të Rahabit dhe familjes së saj, dhe e djegin qytetin. Lexo Jozueu 6 në tërësinë e tij. Rahabi kishte fshehur spiunët e izraelitëve, kështu që iu kursye jeta. Shih Jozueu 2:14 dhe Hebrenjve 11:31.
Në atë kohë, Jeriko mbulonte një zonë prej afërsisht 350*600 m. Muret ishin rreth 2 metra të trashë. Pjesa e poshtme – rreth 5m e lartë – e këtij muri përbëhej prej guri natyror, mbi të cilin ishte vendosur një mur prej tullash balte. Muri i jashtëm ishte rreth 12m i lartë në total. Ndërmjet mureve ishte një pllajë në ngritje, mbi të cilën gjithashtu qëndronte një farë numri shtëpish. Ndoshta dhe shtëpia e Rahabit.
Muri i brendshëm, i ndërtuar në të njëjtën mënyrë, arrinte një lartësi prej pesëmbëdhjetë metër i matur nga vendi jashtë mureve.
Gërmimet arkeologjike tregojnë se pjesë të murit kanë mbetur në anën veriore. Shtëpia e Rahabit ka mundësi të ketë qenë atje. Rahabi përmendet në gjenealogjinë e Jezus Krishtit. Mateu 1:5.
Jozueu është një parafytyrim or tip i Jezusit. Të dy emrat kanë të njëjtin kuptim: ‘Jahvehu shpëton’. Nën drejtimin e Jozueut, Toka e Premtuar mund të hyhet vetëm përmes besimit dhe sigurisë në Perëndinë. Etërit mosbesues kanë vdekur në shkretëtirë. Kështu, Mbretëria e Perëndisë mund të hyhet vetëm përmes besimit në Jezus Krishtin, i Cili i sjell njerëzit e Tij në prehje të vërtetë.
Hebrenjve 4:6-9 :
6 Mbasi, pra, mbetet që disa të hyjnë në të, ndërsa ata që u qe shpallur lajmi i mirë më përpara nuk hyjnë për shkak të mosbesimit të tyre,
7 ai cakton përsëri një ditë: “Sot”, duke thënë, mbas kaq kohe me anë të Davidit: “Sot, në e dëgjofshi zërin e tij, mos i ngurtësoni zemrat tuaja”.
8 Sepse, në qoftë se Jozueu do t’i kishte prirë në prehje, nuk do të kishte folur pas kësaj për një ditë tjetër.
9 Mbetet, pra, një prehje shabati për popullin e Perëndisë.
Mateu 11:28 :
‘Ejani tek unë, o të gjithë të mundur dhe të rënduar, dhe unë do t’ju çlodh’.
Jozueu përfaqësoi hirin ndërsa Moisiu përfaqësoi ligjin.
Jezusi hapi epokën e hirit, e cila pason sundimin e ligjit. Gjoni 1:17. Romakët 8:3-4. Hebrenjve 7:18-19. Galatasve 3:23-25.