Gospelimages (Imazhe Ungjilli) është i përkushtuar për përhapjen e mesazhit Biblik sa më gjërësisht që të jetë e mundur përmes pikturave, por jo për arsye përfitimi. Përmes dyqanit të web-it është e mundur të blihen riprodhime të cilësisë së lartë në kanavacë të pikturës së zgjedhur. Të gjitha të ardhurat nga të drejtat do të jenë të disponueshme tek GlobalRize, “duke tejshkuar botën për Krishtin online”. www.globalrize.org Ju po largoheni nga website-i.
Kthehu te indeksi
Shkarkoe imazhin falas
Eunuku nga Etiopia
Veprat e Apostujve 8:39
Kur dolën nga uji, Fryma e Zotit e rrëmbeu Filipin dhe eunuku nuk e pa më; por e vazhdoi rrugën e tij me gëzim.Teksti i plotë i biblës
Veprat 8:26-40
26 Dhe një engjëll i Zotit i foli Filipit, duke i thënë: “Ngrihu dhe shko drejt jugut, në rrugën që nga Jerusalemi zbret në Gaza; ajo është e shkretë”.
27 Ai u ngrit dhe u nis; dhe ja, një burrë etiopas, eunuk, një zyrtar i lartë i Kandaces, mbretëreshës së Etiopisë, përgjegjës i të gjitha thesareve të saj, i cili kishte ardhur në Jerusalem për të adhuruar,
28 tani ai po kthehej dhe, i ulur në karrocën e vet. Lexonte profetin Isaia.
29 Dhe Fryma i tha Filipit: “Afrohu dhe ngjitju asaj karroce!”.
30 Filipi iu turr afër dhe, dëgjoi atë duke lexuar profetin Isaia, dhe tha: “A e kupton vallë atë që lexon?”.
31 Ai tha: “E si do të mundja, po s’pata një që të më udhëzojë?”. Edhe iu lut Filipit të hipë dhe të ulet pranë tij.
32 Dhe pjesa e Shkrimit, që ai po lexonte ishte kjo:
“Atë e çuan si delja për t’u therrur; dhe ashtu si qengji është memec përpara qethtarit, ashtu ai nuk e hapi gojën e tij.
33 Në përuljen e tij u ngrit gjyqi i tij; po kush do të mund ta përshkruajë brezin e tij? Sepse jeta e tij ngrihet nga toka”.
34 Dhe eunuku duke iu përgjigjur Filipit tha: “Të lutem, për kë e thotë profeti këtë? Për veten apo për ndonjë tjetër?”.
35 Atëherë Filipi hapi gojën e tij dhe, duke filluar nga ky Shkrim, i shpalli Jezusin.
36 Dhe ndërsa po vazhdonin rrugën, arritën në një vend me ujë. Dhe eunuku tha: “Ja uji! Çfarë më pengon të pagëzohem?”.
37 Dhe Filipi tha: “Nëse ti beson me gjithë zemër, mund ta bësh”. Dhe ai iu përgjigj duke thënë: “Unë besoj se Jezu Krishti është Biri i Perëndisë”.
38 Dhe urdhëroi të ndalet karroca, dhe të dy, Filipi dhe eunuku, zbritën në ujë dhe ai e pagëzoi.
39 Kur dolën nga uji, Fryma e Zotit e rrëmbeu Filipin dhe eunuku nuk e pa më; por e vazhdoi rrugën e tij me gëzim.
40 Por Filipi u gjet në Azot; dhe, duke peshkuar, ungjillëzoi të gjitha qytetet, derisa arriti në Çezare.
Mbi pikturën
Filipi, një dhjak në kishën e Krishtit, predikon Ungjillin në Samari dhe shumë vijnë në besim në Jezus Krishtin. Veprat 8:1-8
Tani ai dërgohet nga engjëlli i Zotit në rrugën drejt Gazas; një vend i shkretë. Qyteti i Gazas u shkatërrua në vitin 96 para Krishtit, mundësisht duke e lënë këtë rrugë të shkretë. Ai i bashkohet karrocës së oborrtarit të Etiopisë së dikurshme ose Kushit, (Nubia e sotme ose Sudani jugor), një zyrtar i barasvlershëm me një ministër i financës.
Ky oborrtar, një eunuk, ishte prozelit, person me origjinë johebre i cili ishte kthyer në Judaizm. Shih Isaia 60:3. Në Jerusalem ai kishte blerë një rrotull që përmbante profecitë e Isaias, dhe tani po kthehej në Etiopi. Ai lexon Isaia 53:7 me zë të lartë. Por ai nuk kupton atë çka po lexon. Fjala e Perëndisë, Bibla, është mjeti i hirit përmes të cilës njerëzit kthehen në besim te Jezu Krishti, (Romakët 10:17). Megjithatë, gjatë leximit të saj, ndriçimi nga Fryma e Shenjtë është i nevojshëm për të kuptuar domethënien e saj.
Filipi, i drejtuar nga Fryma e Shenjtë, shpjegon se ky tekst përshkruan vuajtjen zëvendësuese për ne të Mesias Jezu Krisht. Ai vuajti dhe vdiq si ofertë faji për mëkatet dhe shkeljet e njerëzimit.
Duket se Filipi shton se oborrtari mund të marrë pajtim me Perëndinë duke besuar në Mesian e premtuar dhe duke u pagëzuar. Oborrtari beson me gjithë zemrën e tij, dhe sapo sheh ujra përgjatë udhës, është i zellshëm që të pagëzohet.
Pasi u pagëzua në emrin e Atit, Birit dhe Frymës së Shenjtë, oborrtari vijon udhën e tij me gëzim!
Kjo histori tregon se pas derdhjes së Frymës së Shenjtë (Veprat 2), Ungjilli shpallet përtej kufijve të tokës së Izraelit. Mateu 18:19.
Psalmi 68:32 :
32 O mbretëri të tokës, këndojini Perëndisë; këndojini lavde Zotit (Sela).
Psalmi 87:3-4 :
3 Gjëra të lavdishme thuhen për ty, o qytet i Perëndisë. (Sela)
4 Do të përmend Egjiptin dhe Babiloninë ndër ata që më njohin. Ja Filistia dhe Tiroja, së bashku me Etiopinë: “Ky ka lindur atje” thonë.
Sofonia 3:10 :
10 Që përtej lumenjve të Etiopisë, adhuruesit e mi, bija e të humburve të mi, do të sjellin ofertën time.
Romakët 10:9-11 :
9 ...sepse po të rrëfesh me gojën tënde Zotin Jezus, dhe po të besosh në zemrën tënde se Perëndia e ngjalli prej së vdekurish, do të shpëtohesh.
10 Sepse me zemër, njeriu beson në drejtësi dhe me gojë bëhet rrëfim për shpëtim...
Zbulesa 7:9-10 :
9 Pas këtyre gjërave, pashë dhe ja një turmë e madhe, të cilën askush nuk mund ta numëronte, prej të gjitha kombeve, fiseve, popujve dhe gjuhëve; këta qëndronin në këmbë përpara fronit dhe përpara Qengjit, të veshur me petka të bardha dhe me palma në duart e tyre.
10 Dhe bërtisnin me zë të madh, duke thënë: ‘Shpëtimi është i Perëndisë tonë që është ulur mbi fron dhe i Qengjit”.