Gospelimages (Imazhe Ungjilli) është i përkushtuar për përhapjen e mesazhit Biblik sa më gjërësisht që të jetë e mundur përmes pikturave, por jo për arsye përfitimi. Përmes dyqanit të web-it është e mundur të blihen riprodhime të cilësisë së lartë në kanavacë të pikturës së zgjedhur. Të gjitha të ardhurat nga të drejtat do të jenë të disponueshme tek GlobalRize, “duke tejshkuar botën për Krishtin online”. www.globalrize.org Ju po largoheni nga website-i.
Kthehu te indeksi
Shkarkoe imazhin falas
Gedeoni dhe Midianitët
Gjyqtarët 7:19
Gedeoni dhe njëqind burra që ishin me të arritën në buzë të kampit në prag të mesnatës, fill pas ndërrimit të rojave. Ata u ranë borive dhe thyen enët që mbanin në dorë.Teksti i plotë i biblës
Gjyqtarët 7:16-22.
16 Pastaj i ndau të treqind burrat në tri grupe dhe i dorëzoi secilit prej tyre bori dhe enë boshe me nga një pishtar brenda;
17 dhe u tha: “Shikomëni mua dhe veproni si do të veproj unë; kur të kem arritur në kufijtë e kampit, ju do të veproni pikërisht si unë.
18 Kur t’i bie borisë, unë dhe të gjithë ata që janë me mua, edhe ju do t’i bini borive rreth e qark gjithë kampit dhe do të bërtisni: “Për ZOTIN dhe për Gedeonin””.
19 Gedeoni dhe njëqind burra që ishin me të arritën në buzë të kampit në prag të mesnatës, fill pas ndërrimit të rojave. Ata u ranë borive dhe thyen enët që mbanin në dorë.
20 Atëherë të tria grupimet u ranë borive dhe thyen enët, duke mbajtur me dorën e majtë pishtarët dhe me atë të djathtë boritë, dhe filluan të bërtisnin: “Shpata e ZOTIT dhe e Gedeonit!”.
21 Secili prej tyre qëndroi në vendin e vet rreth kampit; ndërsa e tërë ushtria armike filloi të rendë, të bërtasë dhe të ikë me vrap.
22 Ndërsa treqind burrat u binin borive, ZOTI e ktheu shpatën e secilit kundër shokut të tij në tërë kampin. Ushtria armike ia mbathi në Beth-Shitah në drejtim të Tserahut, deri në buzë të Abel-Meholahut pranë Tabathit.
Mbi pikturën
Gjatë kohës që Gedeoni jetou, Izraeli po kryente “atë që është e keqe në sytë e ZOTIT”. Gjyqtarët 6:1.
Prandaj ZOTI i dorëzoi ata në duart e Midianitëve, të cilët plaçkitin dhe shkatërrojnë vendin çdo vit për shatë vjet. 6“Kështu Izraeli u katandis në një varfëri të madhe për shkak të Midianit dhe bijtë e Izraelit i klithën ZOTIT”. Gjyqtarët 6:6.
Pastaj Ai dërgoi një profet që t’u kujtojë Izraelitëve se Zoti i ka çliruar nga Egjipti dhe u ka dhënë tokën e Kanaanit, dhe se ata nuk duhet ta përbuzin marrëdhënien besëlidhore me Të përmes idhujtarisë. Shih Ligji i Përtërirë 28:15.
Pra, Gedeoni thirret nga Zoti që të çlirojë Izraelin nga duart e Midianit. Ai i thotë Gedeonit: “Po unë do të jem me ty dhe ti ke për t’i mundur midianitët sikur ata të ishin një njeri i vetëm”.
Fillimisht Gedeoni urdhërohet që të shkatërrojë altarin që ati i tij i kishte kushtuar idhullit baal dhe të ndërtojë një altar për Zotin.
Pastaj përgatitet beteja kundër midianitëve. Ushtria e 32.000-ve që Gedeoni mbledh është e shumtë në sytë e Zotit. Izraeli nuk duhet të mund të thoshtë: “Është dora ime që më ka shpëtuar”. Gjyqtarët 7:2. Pas përzgjedhjes, në fund mbetet një ushtri prej 300 burash. Në luginën mes malit Gilboa dhe malit Moreh shtrihet një ushtri e madhe midianitësh dhe amalakitësh, me devetë e tyre, “...të panumërta ishin si rëra që ndodhet në bregun e detit”. Gjyqtarët 7:12.
Kur burrat e Gedeonit të ndarë në tre grupe prej 100, në mesnatë, rrethojnë midianitët dhe i tmerrojnë ata me boritë dhe pishtarët e tyre, me klithmat e luftës dhe zhurmat e enëve që thyeheshin, Zoti i tmerroi aq shumë midianitët sa ata filluan të luftonin kundër njeri-tjetrit dhe të arratiseshin.
28 Kështu Midiani u poshtërua përpara bijve të Izraelit dhe nuk ngriti më kokë; dhe vendi pati paqe për dyzet vjet me radhë, gjatë gjithë jetës së Gedeonit”. Gjyqtarët 8:28.
Pavarësisht fitores, gjyqësia e Gedeonit ka një farë natyre të dyfishtë. Pasi thirret për të qenë gjykatës, ai dyshon nëse Zoti do bëjë ato që ka premtuar. Sidoqoftë, në një farë momenti ai bindet. Pas fitores mbi midianin, Gedeoni e udhëheq popullin prapë përhumbshëm duke bërë një ‘efod’ nga mendja e tij. Ndryshe nga efodi (togë e gjyqtarëve hebrenj) i veshur nga prifti i lartë Aaron (Eksodi 28), ky efod nuk u urdhërua nga Zoti, dhe në kohë u bë një objekt adhurimi që “u shndërrua në lak për Gedeonin dhe shtëpinë e tij”. Gjyqtarët 8:27.
Kisha e Krishtit në kohën tonë ka një betejë frymore kundër gjithë armiqve frymorë të Perëndisë. Edhe në këtë betejë fitorja arrihet me ndihmën e Zotit.
Romakëve 8:31 : 31Në qoftë se Perëndia është me ne, kush mund të jetë kundër nesh?”.
Romakëve 8:37 : 37Por në të gjitha këto jemi më shumë fitimtarë me anë të atij që na deshi”.