Gospelimages (Imazhe Ungjilli) është i përkushtuar për përhapjen e mesazhit Biblik sa më gjërësisht që të jetë e mundur përmes pikturave, por jo për arsye përfitimi. Përmes dyqanit të web-it është e mundur të blihen riprodhime të cilësisë së lartë në kanavacë të pikturës së zgjedhur. Të gjitha të ardhurat nga të drejtat do të jenë të disponueshme tek GlobalRize, “duke tejshkuar botën për Krishtin online”. www.globalrize.org Ju po largoheni nga website-i.
Kthehu te indeksi
Shkarkoe imazhin falas
Perëndia përzgjedh ushtrinë e Gedeonit
Gjyqtarët 7:5
Gedeoni i vuri njerëzit të zbrisnin në ujë; dhe ZOTI tha: “ Tërë ata që do të lëpijnë ujin me gjuhë, ashtu siç e lëpin qeni, do t’i vësh mënjanë; dhe kështu do të veprosh edhe me të gjithë ata që do të gjunjëzohen për të pirë ujë”.Teksti i plotë i biblës
Gjyqtarët 7:1-8
1 Pra, Jerubaali (domethënë Gedeoni) dhe gjithë njerëzit që ishin me të u ngritën herët në mëngjes dhe fushuan pranë burimit të Harodit. Kampi i Midianit ndodhej në veri të tyre, pranë kodrës së Morehut, në luginë.
2 Atëherë ZOTI i tha Gedeonit: “Për mua njerëzia që është me ty është tepër e madhe, që unë të jap Midianin në duart e tij; Izraeli do të mund të mburrej para meje duke thënë: “Është dora ime që më ka shpëtuar”.
3 Prandaj shpalli tërë popullit, duke thënë: “Ai që ka frikë dhe dridhet, le të kthehet prapa dhe të largohet nga mali i Galaadit””. Atëherë u kthyen prapa njëzet e dy mijë burra dhe mbetën në vend dhjetë mijë.
4 ZOTI i tha Gedeonit: “Njerëzit janë përsëri shumë; bëji të zbresin në ujë dhe atje do t’i vë në provë për ty. Ai për të cilin do të them: “Ky të vijë me ty”, ka për të ardhur me ty; dhe ai për të cilin do të them: “Ky të mos vijë me ty, nuk ka pvr të ardhur”.
5 Gedeoni i vuri njerëzit të zbrisnin në ujë; dhe ZOTI tha: “ Tërë ata që do të lëpijnë ujin me gjuhë, ashtu siç e lëpin qeni, do t’i vësh mënjanë; dhe kështu do të veprosh edhe me të gjithë ata që do të gjunjëzohen për të pirë ujë”.
6 Numri i atyre që lëpinë ujin duke e çuar në gojë me dorë arriti në treqind veta; gjithë të tjerët u gjunjëzuan për të pirë ujë.
7 Atëherë ZOTI i tha Gedeonit: “Me anë të treqind burrave që lëpinë ujin unë do t’ju shpëtoj dhe do t’i jap midianët në duart e tua. Gjithë të tjerët le të kthehen në shtëpitë e tyre”.
8 Atëherë treqind burrat morën në duart e tyre ushqimet dhe boritë e tyre; kështu Gedeoni i ktheu tërë burrat e tjerë të Izraelit, secilin në çadrën e tij, por mbajti me vete treqind burrat. Kampi i Midianit gjendej poshtë tij, në luginë.
Mbi pikturën
Në ditët e Gedeonit, Izraeli bëri “atë që është e keqe në sytë e ZOTIT” (Gjyqtarët 6:1).
Prandaj ZOTI do t’i dorëzojë ata në duart e midianitëve, të cilët do të kalojnë çdo vit përmes vendit, do të plaçkisin dhe shkatërrojnë për gjashtë vjet me radhë. “Atëherë Izraelitët i thirrën ZOTIT” (Gjyqtarët 6:6). Ai atëherë dërgoi një profet që t’i kujtonte Izraelitët se ZOTI i kishte çliruar nga Egjipti dhe u kishte dhënë tokën e Kanaanit. Ata nuk duhet të përbuznin marrëdhënien e besëlidhjes me Të (Zotin), me idhujtari. Shih Ligji i Përtërirë 28:15.
Atëherë Gedeoni thirret nga ZOTI që të çlirojë Izraelin nga duart e Midianit. Ai i thotë Gedeonit; “Por unë do të jem me ty dhe ti ke për t’i mundur midianitët sikur ata të ishin një njeri i vetëm”. (Gjyqtarët 6:16).
Së pari, Gedeoni udhëzohet të shkatërrojë altarin që ati i tij i kishte kushtuar idhullit baal dhe të ndërtonte një altar të ri për ZOTIN. Pastaj përgatitet beteja kundër midianitëve. Ushtria e 32.000-ve që Gedeoni mblodhi është e shumtë në numër në sytë e ZOTIT. Nuk duhet të ndodhë që Izraeli të mund të thojë: “...dora ime më ka shpëtuar”. (Gjyqtarët 7:2).
Gedeoni duhet t’i kthejë prapa ata që kanë frikë nga beteja. 22.000 burra ikin; 10.000 mbeten në kampin në malin Gilboa. Ishin prapë shumë në sytë e Zotit. Gedeoni duhet t’i sjellë burrat tek ujërat e burimit të Harodit dhe burrat të cilët pijnë ujë prej tij duke e sjellë ujin tek gojët e tyre, ata do të zgjidhen. Një ushtri prej 300 burrash mbetet së fundmi. Një ushtri kaq e vogël duket e pashpresë kundër Midianitëve, por Perëndia është me ta!
Të kuptuarit se është Zoti ai që shpëton është i qartë edhe në jetën e Jonathanit:
6 Jonathani i tha shqytarit të ri: “Eja, shkojmë drejt pozicioneve të këtyre të parrethprerëve; ndofta ZOTI ka për të vepruar në favorin tonë, sepse asgjë nuk e pengon ZOTIN të sigurojë shpëtimin me shumë ose me pak njerëz”. 1 Samuelit 14:6
Kisha e Krishtit në kohën tonë ka një betejë frymore kundër gjithë armiqve frymorë të Perëndisë. Në këtë betejë, gjithashtu, fitorja arrihet me ndihmën e Perëndisë.
“...Në qoftë se Perëndia është me ne, kush mund të jetë kundër nesh?”. Romakët 8:31.