Gospelimages (Imazhe Ungjilli) është i përkushtuar për përhapjen e mesazhit Biblik sa më gjërësisht që të jetë e mundur përmes pikturave, por jo për arsye përfitimi. Përmes dyqanit të web-it është e mundur të blihen riprodhime të cilësisë së lartë në kanavacë të pikturës së zgjedhur. Të gjitha të ardhurat nga të drejtat do të jenë të disponueshme tek GlobalRize, “duke tejshkuar botën për Krishtin online”. www.globalrize.org Ju po largoheni nga website-i.
Kthehu te indeksi
Shkarkoe imazhin falas
Zgjedhja e Ruthit
Ruthi 1:16-17
16 Por Ruthi u përgjigj: “Mos ngul këmbë me mua që unë të të të braktis dhe të mos të ndjek më, sepse kudo që të shkosh ti, do të shkoj edhe unë, dhe kudo që të rrish ti, do të rri edhe unë; populli yt do të jetë populli im, Perëndia yt do të jetë Perëndia im; 17 aty ku do të vdesësh ti, do të vdes edhe unë dhe atje do të më varrosin. Kështu do të veprojë me mua ZOTI, madje edhe më keq, në rast se veç vdekjes ndonjë gjë tjetër do të më ndajë prej teje!”.Teksti i plotë i biblës
Ruthit 1:1-18
1 Në kohën kur qeverisnin gjyqtarët, vendin e pllakosi zia dhe një njeri nga Bethlehemi i Judës shkoi të banojë në vendin e Moabit me gjithë gruan dhe dy bijtë e tij.
2 Emri i burrit ishte Elimelek, emri i gruas së tij Naomi dhe emri i dy bijve të tij Mahlon dhe Kilion, efratenj nga Bethlehemi i Judës. Ata shkuan në vendin e Moabit dhe u vendosën aty.
3 Pastaj Elimeleku, burri i Naomit, vdiq dhe ajo mbeti me dy bijtë e saj.
4 Këta u martuan me gra moabite, nga të cilat njëra quhej Orpah dhe tjetra Ruth; dhe banuan aty rreth dhjetë vjet.
5 Pastaj edhe Mahloni dhe Kilioni vdiqën të dy, dhe kështu ajo grua mbeti pa dy djemtë e saj dhe pa burrin.
6 Atëherë u ngrit me gjithë nuset e saj për t’u kthyer nga vendi i Moabit, sepse kishte dëgjuar të thuhej që Zoti e kishte vizituar popullin e vet dhe i kishte dhënë bukë.
7 Ajo u nis, pra, me të dyja nuset e saj nga vendi në të cilin rrinte dhe filloi të ecë për t’u kthyer në vendin e Judës.
8 Por Naomi u tha dy nuseve të saj: “Shkoni, kthehuni secila në shtëpinë e nënës së vet; ZOTI qoftë i mirë me ju, ashtu si ju keni qenë të mira me ata që kanë vdekur dhe me mua!
9 ZOTI ju bëftë të gjeni qetësi secila në shtëpinë e burrit të vet!”. Pastaj ajo i puthi dhe ato filluan të qajnë me zë të lartë
10 dhe i thanë: “Jo, ne do të kthehemi me ty pranë popullit tënd”.
11 Por Naomi u përgjigj: “Kthehuni bijat e mia! Pse të vini me mua? Mos kam në barkun tim fëmijë që mund të bëhen bashkëshortët tuaj?”.
12 Kthehuni mbrapa, bijat e mia, shkoni, sepse unë jam shumë e vjetër për t’u martuar prapë; edhe sikur të thosha: “Kam ende shpresë”, edhe sikur të martohesha sonte dhe të lindja djem,
13 a do të prisnit ju sa të rriteshin? A do të hiqnit dorë nga martesa për këtë shkak? Jo, bijat e mia, sepse kushtet në të cilat ndodhem janë më të hidhura nga tuajat, sepse dora e ZOTIT është shtrirë kundër meje”.
14 Atëherë ato e ngritën zërin dhe qanë përsëri; pastaj Orpahu puthi vjehrrën, por Ruthi nuk i ndahej asaj.
15 Atëherë Naomi i tha Ruthit: “Ja, kunata jote u kthye te populli i vet dhe te perënditë e saj; kthehu prapa edhe ti, ashtu si kunata jote!”.
16 Por Ruthi u përgjigj: “Mos ngul këmbë me mua që unë të të të braktis dhe të mos të ndjek më, sepse kudo që të shkosh ti, do të shkoj edhe unë, dhe kudo që të rrish ti, do të rri edhe unë; populli yt do të jetë populli im, Perëndia yt do të jetë Perëndia im;
17 aty ku do të vdesësh ti, do të vdes edhe unë dhe atje do të më varrosin. Kështu do të veprojë me mua ZOTI, madje edhe më keq, në rast se veç vdekjes ndonjë gjë tjetër do të më ndajë prej teje!”.
18 Kur Naomi e kuptoi që Ruthi ishte e vendosur ta ndiqte, nuk i foli më.
Mbi pikturën
Në kohën e librit të Gjyqtarëve, gjithkush bën atë që është e drejtë në sytë e vet. Edhe sjellja e vetë gjyqtarëve lë shumë për të dëshiruar. Megjithatë, prapë në atë kohë, Zoti, pa tërhequr vëmendjen vërteton mëshirën dhe besnikërinë e Tij ndaj besëlidhjes së Izraelit.
Familja e Elimelekut (‘Zoti im është Mbret’) është larguar nga Bethlehemi (‘shtëpia e bukës’) për në Moabin pagan për shkak të zisë së urisë. Uria ishte shenjë e një mallkimi besëlidhor. (Ligji i Përtërirë 28, 29, 30).
Kur Naomi mbetet vetëm në Moab pas ca kohësh, ajo dëgjon se Zoti po jep bukë sërish për njerëzit. Vargu 6. Atëherë ajo merr kurajo të kthehet në Bethlehem, bashkë me nuset e saj, të cilat janë gjithashtu vejusha.
Sidoqoftë, gjatë rrugës, Naomi përpiqet të bindë Ruthin dhe Orpahën që të kthehen në Moab. Orpaha bindet nga fjalët e Naomit, por Ruthi, në mënyrë mbresëlënëse, i betohet për besnikëri Naomit dhe Zotit.
Fryma e Shenjtë vuri besim dhe dashuri në zemrën e Ruthit për Perëndinë e Izraelit. Ashtu siç kishte ndodhur më parë me Rahabin. (Jozueu 2:6).
Ruthi, e cila ishte fillimisht pagane, ishte e mirëpritur dhe mund të ndante hirin, shpëtimin e Perëndisë së Izraelit. Psalmi 87:5-6 :
5 ‘ Dhe do të thuhet për Sionin: “Ky dhe ai kanë lindur tek ai; dhe vetë Shumë i Larti do ta bëjë të qëndrueshëm”.
6 Zoti, duke shqyrtuar popujt, do të regjistrojë: “Ky ka lindur atje” (Sela)’.
Kishte armiqësia mes Izraelit dhe Moabit. Ligji i Përtërirë 23:3-6.
Burrat Moabitë ishin përjashtuar nga nënshtetësia e plotë e Izraelit. Megjithatë, një izraelit mund të martohej me një grua moabite, siç bën Boazi. Ruthi 4.
Zgjedhja e Ruthit më vonë vërtetohet të jetë me domethënie të madhe në përgatitjen e ardhjes së “njeriut sipas zemrës së Perëndisë”, Mbretit David.
Pasi Boazi, biri i Rahabit dhe Salmonit (pasardhës së Judës), bëhet me djalë nga Ruthi; Obedi. Obedi bëhet gjyshi i Davidit. Kështu Ruthi moabitja, bëhet nëna paraprirëse e të madhit Birit të Davidit; Jezusi. Shih Mateu 1. Ai është gjyqtari përsosmërisht i drejtë, Mbreti, Mesia.