Gospelimages (Imazhe Ungjilli) është i përkushtuar për përhapjen e mesazhit Biblik sa më gjërësisht që të jetë e mundur përmes pikturave, por jo për arsye përfitimi. Përmes dyqanit të web-it është e mundur të blihen riprodhime të cilësisë së lartë në kanavacë të pikturës së zgjedhur. Të gjitha të ardhurat nga të drejtat do të jenë të disponueshme tek GlobalRize, “duke tejshkuar botën për Krishtin online”. www.globalrize.org Ju po largoheni nga website-i.
Kthehu te indeksi
Shkarkoe imazhin falas
Naomit i lind një nip
Ruthi 4:16
Pastaj Naomi e mori fëmijën, e vuri në gjirin e saj dhe u bë taja e tij.Teksti i plotë i biblës
Ruthi 4:13-22.
13 Kështu Boazi e mori Ruthin, që u bë bashkëshortja e tij. Ai hyri tek ajo dhe Zoti i dha mundësinë të lindë, dhe ajo lindi një djalë.
14 Atëherë gratë i thanë Naomit; “Bekuar qoftë Zoti, që sot uk të la pa një shpengues. Emri i tij u bëftë i famshëm në Izrael!
15 Pastë mundësi ai të rimëkëmbë jetën tënde dhe u bëftë mbështetja e pleqërisë sate, sepse e ka lindur nusja jote që të do dhe që vlen për ty më tepër se shtatë bij”.
16 Pastaj Naomi e mori fëmijën, e vuri në gjirin e saj dhe u bë taja e tij.
17 Fqinjët i vunë një emër dhe thoshin: “I lindi një djalë Naomit!”. E quajtën Obed. Ai qe ati i Isait, ati i Davidit.
18 Ja pasardhësit e Peretsit: Peretsit i lindi Hetsroni;
19 Hetsronit i lindi Rami; Ramit i lindi Aminadabi;
20 Aminadabit i lindi Nahshoni; Nahshonit i lindi Salmoni;
21 Salmonit i lindi Boazi; Boazit i lindi Obedi;
22 Obedit i lindi Isai dhe Isait i lindi Davidi.
Mbi pikturën
Naomi dhe Ruthi, nusja e djalit të saj, të dyja të veja, mbërrijnë në Bethlehem në fillimet e të korrave të elbit. Zoti i jep popullit të Tij bukë përsëri!
Në mënyrë që të sigurojnë jetesën e tyre, Ruthi shkon të mbledhë kallinj elbi që korrësit i hedhin fushave. Fushat duket se i përket Boazit, një i afërm gjinor i burrit të vdekur të Naomit. Kur Ruthi kthehet në shtëpi te Naomi, në mbrëmje me kallinjtë, Naomi e informon atë se Boazi është njeri prej shpenguesve. Një shpengues (hebraisht: go’ el) është një i afërm gjinor i cili, pas vdekjes së burrit – nëse nuk ka fëmijë të lindur nga martesa – hyn në (levirat) martesë me vejushën dhe bën një fëmijë me të. Fëmija atëherë konsiderohet si fëmijë i bashkëshortit të vdekur. Në këtë mënyrë ruhet trashëgimia dhe sigurohet pleqërimi i vejushës/të veut të pafëmijë. Boazi – ndryshe nga një i afërm gjinor i përmendur në kapitullin 4 – merr mbi vete përgjegjësinë e shpengimit dhe martohet me Ruthin.
“... dhe Zoti i dha mundësinë të lindë, dhe ajo lindi një djalë” – vargu 13.
Fqinjët të cilët vizitonin Naomin e quajtën nipin e saj Obed, dhe lavdëruan Zotin, i cili i kishte dhënë asaj një shpengues përmes Ruthit.
“Ata thanë: “I lindi një djalë Naomit”. Vargu 17.
Obedi bëhet babai i Isait, atit të Davidit mbretit. Jezus Krishti është “Biri i Davidit”.
Në Bibël, Zoti quhet Shpenguesi. Psalmi 19:15. Jobi 19:25.
Për shembull, kur Izraelitët u skllavëruan në Egjipt, Perëndia u ngrit si Go’eli i tyre që t’i shpengojë dhe t’u japë atyre një trashëgimi në Tokën e Premtuar.
Ati e jep Birin e Tij Jezus Krishtin si Shpengues.
Shpengimësia në Izrael ishte një parafytyrim i kësaj. Jezusi “... jep frymën e tij si shpërblesë për të shumtët” Mateu 20:28 .
Ai u bë i “afërm gjaku” për ne duke u bërë njerëzor si Biri i Perëndisë; familja e Adamit dhe pasardhësve të tij. Kështu Ai u bë Shpenguesi i cili pagoi mëkatin borxh të botës.
“Sepse Perëndia e deshi aq botën sa dha Birin e tij të vetëmlindurin, që, kushdo që beson në të, të mos humbasë, por të ketë jetën e përjetshme”. Gjoni 3:16.