Gospelimages (Imazhe Ungjilli) është i përkushtuar për përhapjen e mesazhit Biblik sa më gjërësisht që të jetë e mundur përmes pikturave, por jo për arsye përfitimi. Përmes dyqanit të web-it është e mundur të blihen riprodhime të cilësisë së lartë në kanavacë të pikturës së zgjedhur. Të gjitha të ardhurat nga të drejtat do të jenë të disponueshme tek GlobalRize, “duke tejshkuar botën për Krishtin online”. www.globalrize.org Ju po largoheni nga website-i.
Kthehu te indeksi
Shkarkoe imazhin falas
Boaz Shpenguesi
Ruthi 4:7-8
7 Ky ishte zakoni në kohërat e kaluara në Izrael lidhur me të drejtën e shpengimit dhe të ndryshimit të pronësisë: personi hiqte sandalen dhe ia jepte tjetrit; kjo ishte mënyra e dëshmisë në Izrael. 8 Kështu ai që gëzonte të drejtën e shpengimit i tha Boazit: “Blije ti vetë”, dhe hoqi sandalen.Teksti i plotë i biblës
Ruthit 4:1-12
1 Boazi shkoi te porta e qytetit dhe u ul aty. Dhe, ja, po kalonte ai që kishte të drejtën e shpengimit dhe për të cilin Boazi kishte folur. Boazi i tha: “O ti biri i filanit, afrohu dhe ulu këtu”. Ai u afrua dhe u ul.
2 Boazi mori atëherë dhjetë burra nga pleqtë e qytetit dhe u tha atyre: “Uluni këtu”. Ata u ulën.
3 Pastaj Boazi i tha atij që kishte të drejtën e shpengimit: “Naomi, që u kthye nga vendi i Moabit, ka shitur pjesën e tokës që i përkiste vëllait tonë Elimelek.
4 Mendova të të informoj dhe të të them: “Blije në prani të banorëve të vendit dhe të pleqve të popullit tim. Në rast se do ta shpengosh, shpengoje; por në rast se nuk ke ndërmend ta shpengosh, ma thuaj që ta di edhe unë; sepse asnjeri veç teje nuk gëzon të drejtën e shpengimit, dhe pas teje vij unë”. Ai u përgjigj: “Do të kërkoj të drejtën time”.
5 Atëherë Boazi tha: “Ditën që do ta blesh arën nga dora e Naomit, ti do ta blesh edhe nga Ruthi, moabitja, bashkëshortja e të ndjerit, për ta ringjallur emrin e të ndjerit në trashëgiminë e tij”.
6 Ai që gëzonte të drejtën e shpengimit u përgjigj: “Unë nuk mund ta shpengoj për vete, sepse do ta shkatërroj trashëgiminë time; shpengo ti atë që duhet të shpengoja unë, sepse unë nuk mund ta shpengoj”.
7 Ky ishte zakoni në kohërat e kaluara në Izrael lidhur me të drejtën e shpengimit dhe të ndryshimit të pronësisë: personi hiqte sandalen dhe ia jepte tjetrit; kjo ishte mënyra e dëshmisë në Izrael.
8 Kështu ai që gëzonte të drejtën e shpengimit i tha Boazit: “Blije ti vetë”, dhe hoqi sandalen.
9 Atëherë Boazi u tha pleqve dhe tërë popullit: “Ju sot jeni dëshmitarë që unë bleva nga duart e Naomit të gjitha ato që ishin pronë e Elimelekut, të Kilionit dhe të Mahlonit.
10 Gjithashtu bleva për grua Ruthin, moabiten, për ta ringjallur emrin e të ndjerit në trashëgiminë e tij, me qëllim që emri i të ndjerit të mos shuhet midis vëllezërve të tij dhe në portën e qytetit të tij. Ju sot jeni dëshmitarë të këtij fakti”.
11 Atëherë tërë populli që ndodhej te porta dhe pleqtë u përgjigjën: “Ne jemi dëshmitarë të kësaj ngjarjeje. Zoti e bëftë gruan që hyn në shtëpinë tënde si Rakelën dhe si Lean, dy gratë që ngritën shtëpinë e Izraelit. Paç pushtet në Efrathah dhe u bëfsh i famshëm në Bethlehem.
12 Shtëpia jote u bëftë si shtëpia e Peretsit, që Tamara i lindi Judës, për shkak të pasardhësve që Zoti do të japë nga kjo e re”.
Mbi pikturën
Sipas këshillës së Naomit, Ruthi shkon natën në lëmin e Boazit. Ruthit 3. Atje Ruthi i kërkon atij nëse ai dëshiron të martohet me të. “Sepse ti je shpenguesi” shton ajo.
Çfarë është një shpengues? Levitiku 25:25 thotë, ‘Në qoftë se yt vëlla bëhet i varfër dhe shet një pjesë të pronës së tij, ai që ka të drejtën e shpengimit, i afërmi i tij më i ngushtë, do të vijë dhe do të shpengojë atë që vëllai i tij ka shitur”.
Ruthit 4:3 thotë se Naomi e shiti tokën e burrit të saj të ndjerë Elimelek. Por një pjesë e tokës që i përkiste një familjeje si trashëgimi nuk mund të shitej përgjithmonë. Naomi e dinte se Boazi, në tokën e të cilit Ruthi kishte ardhur të korrte, ishte farefis, një nga shpenguesit e mundshëm.
Te Ruthit 4, kushti i shpengimit duket se ndërthuret me kushtin e martesës levirate. Kjo është martesa e një burri me vejushën e vëllait të tij të vdekur. Në këtë mënyrë sigurohet se trashëgimia e vëllait nuk humbet. Shih Ligji i Përtërirë 25:5.
Boaz i përgjigjet Ruthit (Ruthit 3:13) se ai është i gatshëm të pranojë mbi vete përgjegjësinë e shpengimit, por ai e di se është dikush tjetër, me lidhje gjinore më të afërt. Nëse ai nuk dëshiron ta shpengojë, do ta bëjë Boazi.
Boazi vete te porta e pleqve të Bethlehemit ditën tjetër që të zgjidhë çështjen zyrtarisht.
Te Ruthi 4:5 ai i thotë të afërmit të parë se në këtë rast shpenguesi ka gjithashtu detyrën të martohet me Ruthin, “për të ruajtur emrin e të vdekurit (Mahlonit) mbi trashëgiminë e tij”. I afërmi i parë atëherë e refuzon shpengimin; ai donte të blinte tokën por jo të martohej me Ruthin.
Si vërtetim se i jepte Boazit të drejtën e shpengimit, ai heq këpucën e tij dhe ia jep Boazit. Boazi e pranon përgjegjësinë e shpengimit dhe e merr Ruthin për grua.
Në Bibël, Zoti quhet Shpengimtari. Psalmi 19:15. Jobi 19:25.
Për shembull, kur Izraelitët u skllavëruan në Egjipt, Perëndia u ngrit ti shpengonte dhe t’u jepte atyre një trashëgimi në Tokën e Premtuar.
Ati jep Birin e tij Jezus Krishtin si Shpëtimtar.
Shpengueshmëria në Izrael ishte një parafytyrim i kësaj. Jezusi “jep jetën e Tij si shpërblesë për shumë veta” (Mateu 20:28).
Ai u bë i afërm i yni duke u bërë njeri si Biri i Perëndisë; familje e Adamit dhe pasardhjes së tij.
Kështu, Ai u bë Shpëtimtari që pagoi borxhin e mëkatit të botës.
“Sepse Perëndia e deshi aq botën, sa dha Birin e tij të vetëmlindurin, që, kushdo që beson në të, të mos humbasë, por të ketë jetën e përjetshme. Gjoni 3:16.
Në Bibël, Zoti quhet edhe Dhëndri i Izraelit. Isaia 54:5, 62:5, Jeremia 2:32, ashtu si në Dhiatën e Re përbashkësia e besimtarëve quhet Nusja e Krishtit. 2 e Korintasve 11:2. Ai është besnik ndaj besëlidhjes së Tij.