Gospelimages (Imazhe Ungjilli) është i përkushtuar për përhapjen e mesazhit Biblik sa më gjërësisht që të jetë e mundur përmes pikturave, por jo për arsye përfitimi. Përmes dyqanit të web-it është e mundur të blihen riprodhime të cilësisë së lartë në kanavacë të pikturës së zgjedhur. Të gjitha të ardhurat nga të drejtat do të jenë të disponueshme tek GlobalRize, “duke tejshkuar botën për Krishtin online”. www.globalrize.org Ju po largoheni nga website-i.
Kthehu te indeksi
Shkarkoe imazhin falas
Arratisje në qytetin e strehimit
Jozueu 20:1-3
1 Pastaj Zoti i foli Jozueut, duke thënë: 2 “Folu bijve të Izraelit dhe u thuaj atyre: “Caktoni qytetet e strehimit për të cilat ju fola me anë të Moisiut, 3 me qëllim që të mund të strehohet vrasësi që ka vrarë dikë pa dashje dhe pa paramendim; ato do të shërbejnë si vend strehimi për t’i shpëtuar hakmarrësit të gjakut.Teksti i plotë i biblës
Jozueu 20:1-9
1 Pastaj Zoti i foli Jozueut, duke thënë:
2 “Folu bijve të Izraelit dhe u thuaj atyre: “Caktoni qytetet e strehimit për të cilat ju fola me anë të Moisiut,
3 me qëllim që të mund të strehohet vrasësi që ka vrarë dikë pa dashje dhe pa paramendim; ato do të shërbejnë si vend strehimi për t’i shpëtuar hakmarrësit të gjakut.
4 Kur vrasësi të arratiset në një nga këto qytete, do të ndalet në hyrje të portës së qytetit dhe do t’ua parashtrojë rastin e tij pleqve të atij qyteti; këta do ta presin në qytetin e tyre, do t’i gjejnë vend dhe ai do të banojë me ta.
5 Në rast se hakmarrësi i gjakut do ta ndjekë, ata nuk do t’ia dorëzojnë vrasësin, sepse ai ka vrarë të afërmin e tij pa paramendim, pa e urryer më parë.
6 Vrasësi do të qëndrojë në atë qytet derisa, me vdekjen e kryepriftit që do jetë në funksion ato ditë, do të dalë në gjyq para asamblesë. Atëherë vrasësi mund të kthehet dhe të hyjë në qytetin e tij dhe në shtëpinë e tij, në qytetin nga i cili kishte ikur”.
7 Ata, pra, caktuan Kedeshin në Galile, në zonën malore të Neftalit, Sikemin në krahinën malore të Efraimit dhe kiriath-Arbën (që është Hebroni) në krahinën malore të Judës.
8 Dhe përtej Jordanit, nv lindje të Jerikos, caktuan betserin në shkretëtirën e rrafshnaltës së fisit të Rubenit, Ramothin në Galaad të fisit të Gadit dhe Golanin në bashan të fisit të Manasit.
9 Këto ishin qytetet që iu caktuan tërë bijve të Izraelit dhe të huajt që banonin midis tyre, në mënyrë që kushdo që kishte vrarë dikë pa dashje, të mund të strehohej dhe të mos vritej nga hakmarrësi i gjakut, para se të dilte përpara asamblesë.
Mbi pikturën
Izraelitët kanë hyrë në tokën e premtuar të Kanaanit dhe po pushojnë pas betejës. Fiset vendosen në copat e tokës që iu janë caktuar. Trashëgimia e fisit të Levit nuk është një copë tokë, por vetë Perëndia, priftërimi për Të. Levitëve u caktohen në total 48 qytete, prej të cilave 6 qytete strehimi. Këto qytete janë të shpërndara në mënyrë të përpjesshme përgjatë vendit.
Në Eksodin 21, gjatë largimit nga Egjipti, është bërë marrëveshja paraprake që nëse dikush vret fqinjin e tij pa dashje, ai/ajo mund të arratiset tek altari (afër tabernakullit) që të jetë i sigurt nga hakmarrësi i gjakut. Altari është vendi ku vendimi me vdekje për mëkatarët fajtorë kryhet me sakrifica flijimi.
Pas hyrjes në Kanaan, kjo strehimi zgjerohet me 6 qytete strehë, në mënyrë që të jenë në total 7 ‘vende strehimi’ për njerëzit që – pa dashje – janë fajtorë për vdekjen e dikujt.
Qyteti strehë është një tip parafytyrimi i Krishtit, tek i cili çdo mëkatar duhet të strehohet. Krishti është Streha tek i Cili çdo mëkatar, fajtor pa dashje apo me mëkat vullnetar, mund të arratiset, me pendim. Çdo besimtar në Krishtin është “në Të”. Romakëve 6. Filipianëve 3:9.
Çdo qytet strehimi është qartësisht i dukshëm, mbi një mal. Jezusi po ashtu i quan ndjekësit e Tij – Përbashkësinë e Krishterë – “një qytet mbi një mal”; drita e botës.
Në këtë qytet, si në qytetet strehimi të Ligjit të Përtërirë, ka njohje të vullnetit të Perëndisë; dritë Hyjnore.
Ky “qytet” është selia e qeverisë së Perëndisë, Mbretërimi i Tij, dhe është parafytyrim i Jerusalemit qiellor. Krishti duke ofruar gjakun e Tij, ka hapur dyert e strehës qiellore për ata që besojnë në Të.
Emrat e 6 qyteteve strehimi kanë domethënie të pasura. Ato i referohen Krishtit:
“Kedesh” do të thotë ‘i shenjtë’, dhe ‘streha jonë është Jezusi i Shenjtë’, ‘shpatull”, dhe qeverisja është mbi supet e Tij.
“Hebron” do të thotë “vëllazëri”, dhe besimtarët janë të thirrur të kenë vëllazëri me Krishtin Jezus Zotin tonë.
“Bezer” do të thotë “fuqi”, sepse ai është fuqi për të gjithë ata që ndërtojnë mbi Të.
“Ramoth” do të thotë “i lartë ose i lartësuar”, pasi Perëndia e ka lartësuar Atë në krahun e tij të djathtë.
“Golan” do të thotë “gëzim ose ngazëllim”, sepse në Të të gjithë shenjtërit janë të drejtësuar, dhe në Të ata do të përlëvdohen. (Matthew Henry: Ekspozim i Dhiatës së Vjetër dhe të Re).
Shih edhe: Eksodi 21:13, Numrat 35:6, Ligji i Përtërirë 4:41-43, Ligji i Përtërirë 19:1-2.