Gospelimages (Imazhe Ungjilli) është i përkushtuar për përhapjen e mesazhit Biblik sa më gjërësisht që të jetë e mundur përmes pikturave, por jo për arsye përfitimi. Përmes dyqanit të web-it është e mundur të blihen riprodhime të cilësisë së lartë në kanavacë të pikturës së zgjedhur. Të gjitha të ardhurat nga të drejtat do të jenë të disponueshme tek GlobalRize, “duke tejshkuar botën për Krishtin online”. www.globalrize.org Ju po largoheni nga website-i.
Kthehu te indeksi
Shkarkoe imazhin falas
Samueli sillet në shtëpinë e Zotit nga Ana
1 i Samuelit 1:24
24 Pasi e zvordhi, e mori me vete, bashkë me tri dema të vegjël, një efë mielli dhe një calik verë; dhe i çoi në shtëpinë e ZOTIT në Shiloh. Djali ishte shumë i vogël.Teksti i plotë i biblës
1 i Samuelit 1:20-28.
20 Në kohën e caktuar, Ana mbeti me barrë dhe lindi një djalë, të cilit ia vunë emrin Samuel, duke thënë: “Sepse ia kërkova ZOTIT”.
21 Atëherë burri i saj, Elkanahu, u ngjit me gjithë familjen e tij për t’i ofruar ZOTIT flijimin vjetor dhe për të plotësuar zotimin e bërë.
22 Por Ana nuk u ngjit, sepse i tha burrit të saj: “Unë nuk do të ngjitem derisa fëmija të jetë zvjerdhur; atëherë do ta çoj me qëllim që ta paraqes para ZOTIT dhe të mbetet pranë tij përgjithnjë”.
23 Burri i saj, Elkanaku, iu përgjigj: “Bëj si të duket më mirë; qëndro derisa të jetë zvjerdhur, mjaft që ZOTI ta mbajë fjalën!”. Kështu gruaja mbeti në shtëpi dhe i dha gji birit të saj derisa ky u zvordh.
24 Pasi e zvordhi, e mori me vete, bashkë me tri dema të vegjël, një efë mielli dhe një calik verë; dhe i çoi në shtëpinë e ZOTIT në Shiloh. Djali ishte shumë i vogël.
25 Pastaj ata flijuan një dem dhe ia çuan djalin Elit.
26 Ana i tha: “Imzot! Ashtu siç është e vërtetë që jeton shpirti yt, o imzot, unë jam ajo grua që rrinte këtu, afër teje, dhe i lutej ZOTIT.
27 Jam lutur për të pasur këtë djalë, dhe ZOTI më dha atë që i kisha kërkuar.
28 Prandaj edhe unë ia fal ZOTIT; derisa të rrojë, ai do t’i kushtohet ZOTIT”. Dhe aty ranë përmbys para ZOTIT.
Mbi pikturën
Samueli është një figurë tranzicioni (ose e ndërmjetshme); ai është i fundit ndër gjykatësit, dhe i pari profet në një moshë në të cilën profetët pasojnë njëri-tjetrin. Ai krijon hallkën lidhëse midis kohës së gjyqtarëve dhe mbretërve. Lindja e veçantë e Samuelit shënon përcaktimin hyjnor të shërbesës profetike.
Gjatë periudhës së jetës së Samuelit, Perëndia ushtron autoritetin e Tij mbretëror duke themeluar shtëpinë e Mbretit David dhe duke zgjedhur Sionin (Jerusalemin), si vendndodhjen (selinë) e Tempullit. Samueli luan një rol të rëndësishëm në jetën e mbretërve Saul dhe David.
Profetësimi dhe mbretërimi (ose shërbesat profetike dhe mbretëruese) janë të lidhura në Izrael; është e vërtetë se Perëndia e lejon Izraelin të ketë një mbret njerëzor, me kusht që mbreti t’i nënshtrohet Fjalës së Perëndisë, siç transmetohet nga profetët.
1 i Samuelit 1 përshkruan shterpësinë e Anës, lutjen dhe zotimin e saj, përgjigjen speciale të lutjes së saj përmes lindjes së Samuelit, dhe mirënjohjen e saj në përmbushjen e zotimit të saj. Perëndia krijon një fillim të ri ku mundësitë njerëzore përfundojnë plotësisht.
1 i Samuelit 2 përmban himnin e Anës, në të cilin ajo pranon dhe lavdëron mbretërimin e Perëndisë, i cili shfaqet në gjithëfuqinë e Tij, në besnikërinë dhe zemërgjerësinë hyjnore. Tema në librat 1 dhe 2 të Samuelit: Perëndia është besnik ndaj premtimeve të Tij, pavarësisht pabesisë së udhëheqësve shpirtërorë dhe politikë. Në vend të Elit do të jetë Samueli, dhe në vend të Saulit do të jetë Davidi.
Piktura tregon Anën dhe Elkanahun që po ngjiten bashkë me Samuelin në tempullin e Shilohut. Vitet e para të jetës së tij ai u ushqeu me gji nga Ana. Tani, në përputhje me zotimin e Anës që t’ia dorëzojë atë Zotit, ai “sillet para Zotit që t’i bindet Atij përgjithmonë”. 1 i Samuelit 1:22.
Ana duhet t’i ketë mësuar në shtëpi Samuelit që ‘t’i përulet Zotit’ . Kur ai arrin në Shiloh, ai i përulet ZOTIT.