Gospelimages (Imazhe Ungjilli) është i përkushtuar për përhapjen e mesazhit Biblik sa më gjërësisht që të jetë e mundur përmes pikturave, por jo për arsye përfitimi. Përmes dyqanit të web-it është e mundur të blihen riprodhime të cilësisë së lartë në kanavacë të pikturës së zgjedhur. Të gjitha të ardhurat nga të drejtat do të jenë të disponueshme tek GlobalRize, “duke tejshkuar botën për Krishtin online”. www.globalrize.org Ju po largoheni nga website-i.
Kthehu te indeksi
Shkarkoe imazhin falas
Davidi, Mbret i vajosur
1 i Samuelit 16:13
13 Atëherë Samueli mori bririn e vajit dhe e vajosi para vëllezërve të tij; që nga ajo ditë Fryma e ZOTIT zbriti te Davidi. Pastaj Samueli u ngrit dhe shkoi në Ramah.Teksti i plotë i biblës
1 Samuelit 16:1-13
1 Zoti i tha Samuelit: “Deri kur do të mbash zi për Saulin, kurse unë e kam hedhur poshtë që të mos mbretërojë mbi Izrael? Mbushe me vaj bririn tënd dhe nisu; po të dërgoj te Isai, bethlehemiti, sepse kam zgjedhur një mbret midis bijve të tij”.
2 Samueli u përgjigj: “Si mund të shkoj? Sauli ka për të mësuar dhe do të më vrasë”. Zoti tha: “Do të marrësh me vete një mëshqerrë dhe do të thuash: “Kam ardhur për t’i ofruar një flijim ZOTIT”.
3 Do të ftosh Isain në ceremoninë e flijimit, unë do të të tregoj atë që duhet të bësh dhe ti ke për të vajosur atë që do të të them unë”.
4 Kështu Samueli bëri atë që i kishte thënë ZOTI dhe shkoi në Bethlehem: pleqtë e qytetit i dolën përpara duke u dridhur dhe i thanë: “po na vjen në mënyrë paqësore?”.
5 Ai u përgjigj “Vij në mënyrë paqësore; kam ardhur për t’i ofruar një flijim ZOTIT; pastrohuni dhe ejani me mua në flijim”. Vuri të pastrohen edhe Isain dhe bijtë e tij dhe i ftoi në flijim.
6 Kur ata arritën, ai ia vuri syrin Eliabit dhe tha: “Me siguri i vajosuri i ZOTIT është para tij”.
7 Por ZOTI i tha Samuelit: “Mos shiko as pamjen, as shtatgjatësinë, sepse unë e kam refuzuar, sepse ZOTI nuk shikon si shikon njeriu: njeriu shikon pamjen, kurse ZOTI shikon zemrën”.
8 Atëherë Isai thirri Abinadabin dhe e bëri të kalojë përpara Samuelit; por Samueli i tha: “ZOTI nuk zgjodhi as këtë”.
9 Pastaj Isai bëri të kalojë Shamahu, por Samueli tha: “ZOTI nuk zgjodhi as këtë”.
10 Kështu Isai bëri të kalojnë shtatë nga bijtë e tij përpara Samuelit; por Samueli i tha Isait: “ZOTI nuk zgjodhi asnjë prej tyre”.
11 Pastaj Samueli i tha Isait: “A janë këtu tërë bijtë e tu?”. Ai u përgjigj: “Mungon më i riu që tani është duke kullotur delet”. Samueli i tha Isait: “Dërgo ta sjellin, sepse nuk do të shtrohemi në tryezë para se ai të vijë këtu”.
12 Atëherë ai dërgoi njerëz ta marrin. Davidi ishte kuqalash, me sy të bukur dhe pamje të hijshme. Dhe ZOTI tha: “Ngrihu, vajose se ai është”.
13 Atëherë Samueli mori bririn e vajit dhe e vajosi para vëllezërve të tij; që nga ajo ditë Fryma e ZOTIT zbriti te Davidi. Pastaj Samueli u ngrit dhe shkoi në Ramah.
Mbi pikturën
Tek 1 Samuelit 9, profeti Samuel vajos Saulin që të jetë mbret mbi Izraelin. Por Saul nuk i bindet Perëndisë; nuk sillet si mëkëmbës nën Perëndinë. Si rrjedhojë, hidhet poshtë nga Perëndia.
23 ... Duke qenë se ke hedhur poshtë fjalën e ZOTIT, edhe ai të ka hedhur poshtë si mbret”. 1 Samuelit 15:23.
Tek 1 Samuelit 16, Samueli dërgohet nga Perëndia në Bethlehem që të vajosë Davidin, djalin e vogël të Jeseut. Jeseu është nipi i Boazit dhe Ruthit.
Bethlehemi ndodhet në zonën tribale të judës. Ati i Judës, Jakobi, e kishte bekuar Judën me fjalët e mëposhtme:
“10 Skeptri nuk do t’i hiqet Judës, as bastuni i komandimit nga këmbët e tij, derisa të vijë Shilohu; dhe atij do t’i binden popujt”. Zanafilla 49:10.
Tani, ky bekim, ky premtim i Perëndisë po përmbushet në Davidin.
“22 Gjeta Davidin, birin e Jeseut, burrë sipas zemrës sime, i cili do të bëjë të gjitha vullnetet e mia”. Veprat 13:22.
Por është ende një përmbushje e përkohshme. Mbretërimi i Davidi parafytyron mbretërimin e Mesias; Jezusit, Bir i Davidit. Mateu 1.
Davidi është bari. Ai vajoset mbret për të çobanisur popullin e tij.
Profeti Ezekiel profetizoi (shumë kohë pas vdekjes së Davidit):
“23 Do të vendos mbi to një bari të vetëm që do t’i kullosë, shërbëtorin tim David. Ai do t’i kullosë dhe ka për të qenë bariu i tyre.
24 Dhe unë, ZOTI, do të jem Perëndia i tyre dhe shërbëtori im David do të jetë princ në mes tyre. Unë, ZOTI, fola”. Ezekieli 34:23-24.
Në këtë profeci bariu quhet David, që do të thotë një pasardhës i Davidit, sipas premtimit prej 2 Samuelit 7:16 :
“16 Shtëpia jote dhe mbretëria jote do të bëhen të qëndrueshme përgjithnjë para meje dhe froni yt do të jetë i qëndrueshëm përgjithnjë”.
Kjo profeci përmbushet në Jezusin, Bariun – Mbret. Te Gjoni 10 Jezusi, Biri i Davidit, e quan vetveten Bariu i Mirë, i cili jep jetën e Tij për delet e Tij. Shih edhe Isaia 40:11.
Jezusi do të mbretërojë përgjithmonë:
“32 Ai do të jetë i madh dhe do të quhet Biri i Më të Lartit; dhe Zoti Perëndi do t’i japë fronin e Davidit, atit të tij;
33 dhe do të mbretërojë mbi shtëpinë e Jakobit përjetë dhe mbretëria e tij nuk do të ketë kurrë të sosur”. Luka 1:32-33. Shih edhe Isaia 55:4.
Jezusi gjithashtu e quan Vetveten Biri i Davidit dhe Zot:
“35 Dhe Jezusi, duke i mësuar në tempull, tha: “Vallë, si mund të thonë skribët se Krishti është Bir i Davidit?
36 Sepse vetë Davidi, nëpërmjet Frymës së Shenjtë, tha: “Zoti i tha Zotit tim: “Ulu në të djathtën time, derisa t’i bëj armiqtë e tu stol të këmbëve të tua”.
37 Vetë Davidi, pra, e quan Zot; si mund të jetë vallë bir i tij?”. Dhe turma e madhe e dëgjonte me ëndje. Marku 12:35-37.
Jezusi e quan Veten Origjina e Pasardhësve të Davidit:
“16 Unë, Jezusi, dërgova engjëllin tim që t’ju dëshmojë këto gjëra për kishat. Unë jam Rrënja dhe pasardhja e Davidit, ylli i ndritshëm i mëngjesit”. Zbulesa 22:16.