Gospelimages (Imazhe Ungjilli) është i përkushtuar për përhapjen e mesazhit Biblik sa më gjërësisht që të jetë e mundur përmes pikturave, por jo për arsye përfitimi. Përmes dyqanit të web-it është e mundur të blihen riprodhime të cilësisë së lartë në kanavacë të pikturës së zgjedhur. Të gjitha të ardhurat nga të drejtat do të jenë të disponueshme tek GlobalRize, “duke tejshkuar botën për Krishtin online”. www.globalrize.org Ju po largoheni nga website-i.
Kthehu te indeksi
Shkarkoe imazhin falas
Davidi Bariu
1 i Samuelit 16:11
Pastaj Samueli i tha Isait: “A janë këtu tërë bijtë e tu?”. Ai u përgjigj: “Mungon më i riu që tani është duke kullotur delet”. Samueli i tha Isait: “Dërgo ta sjellin, sepse nuk do të shtrohemi në tryezë para se ai të vijë këtu”.Teksti i plotë i biblës
1 Samuelit 16:11
“11 Pastaj Samueli i tha Isait: “A janë këtu tërë bijtë e tu?”. Ai u përgjigj: “Mungon më i riu që tani është duke kullotur delet”. Samueli i tha Isait: “Dërgo ta sjellin, sepse nuk do të shtrohemi në tryezë para se ai të vijë këtu”.
1 Samuelit 17:33-37
33 Sauli i tha Davidit: “Ti nuk mund të shkosh të luftosh kundër këtij filisteu, sepse ti je ende djalosh, ndërsa ai është një luftëtar qysh në të ritë e tij”.
34 Por Davidi iu përgjigj Saulit: “Shërbëtori yt kulloste kopenë e atit të vet; kur një luan ose një ari vinte për të rrëmbyer një dele nga kopeja,
35 unë e ndiqja, e godisja dhe ia rrëmbeja nga goja; në qoftë se ai kthehej kundër meje, unë e kapja nga krifa, e godisja dhe e vrisja.
36 Po, shërbëtori yt ka vrarë luanin dhe ariun; dhe ky filiste i parrethprerë do të pësojë të njëjtin fat, sepse ka fyer ushtrinë e Perëndisë të gjallë”.
37 Davidi shtoi: “Zoti që më shpëtoi nga kthetrat e luanit dhe nga panxha e ariut, do të më shpëtojë edhe nga dora e këtij filisteu”. Atëherë Sauli i tha Davidit: “Shko dhe Zoti qoftë me ty”.
2 Samuelit 7:8
8 Tani do t’i thuash kështu shërbëtorit tim David; Kështu thotë ZOTI i ushtrive: “Unë të mora nga vatha ndërsa shkoje me dele, që ti të bëheshe udhëheqës i Izraelit, i popullit tim”.
Psalmi 23:4
4 Edhe sikur të ecja në luginën e hijes së vdekjes, nuk do të kisha frikë nga asnjë e keqe, sepse ti je me mua; shkopi yt dhe kërraba jote janë ato që më japin zemër.
Ezekieli 34:23-25
23 Do të vendos mbi to një bari të vetëm që do t’i kullosë, shërbëtorin tim David. Ai do t’i kullosë dhe ka për të qenë bariu i tyre.
24 Dhe unë, Zoti, do të jem Perëndia i tyre dhe shërbëtori im David do të jetë princ në mes tyre. Unë, Zoti, fola.
25 Do të vendos me to një besëlidhje paqeje dhe do të zhduk nga vendi kafshët e liga, kështu ato do të mund të rrinë të sigurta në shkretëtirë dhe të flenë nëpër pyje.
Gjoni 10:11
11 Unë jam bariu i mirë; bariu i mirë jep jetën e vet për delet.
Mbi pikturën
Si Moisiu, Davidi është bari për njëfarë kohe, në përgatitje për udhëheqësi mbi popullin e Izraelit. Mënyra se si Davidi përmbush çobaninë e tij është e qartë nga çka i thotë Saulit për të te 1 Samuelit 17:33-37; ai rrezikon jetën e tij për delet e tij, dhe me ndihmën e Zotit ai mund luanin dhe ariun. Në këtë mënyrë ai është një parafytyrim i Jezusit, Bariut të Mirë, i cili jep jetën e Tij për delet e Tij. Gjoni 10:11.
Davidi i bie harpës dhe këndon. 1 Samuelit 16:18.
Libri i psalmeve përmban 72 psalme që i shkruajti ai. Një shembull i duhur është psalmi 23, i cili ka temën: “ZOTI është Bariu im”. Besimi te bariu nuk është naiv e as i lehtë. Por është njohja dhe ndjekja e ZOTIT personalisht, edhe në rrezik vdekjeje të vërtetë.
Disa psalme shprehin mirënjohje për çlirim nga rreziku, vuajtja dhe shqetësimi. Në psalmin 22:21 Davidi lutet: ‘Shpëtomë nga gryka e luanit...’. Psalmi 22 është një psalm mesianik, në të cilin profetizohen vuajtjet e Krishtit.
Profeti Ezekiel shpall se një Bari nga gjinia e Davidit do të ngrihet që të çobanojë popullin. (Ezekieli 34:23). Metaforat e Zotit si Bari i individit dhe e Davidit si Bari i popullit vijnë bashkë në Jezusin, i cili është si Zot edhe njeri. Gjoni 10:14. Ai, Krishti, është Bariu i Mirë, i cili ruan shpirtrat e besimtarëve. 1 Pjetrit 2:25.
1 Pjetrit 5:8
8 Jini të kthjellët, vigjiloni; sepse kundërshtari juaj, djalli, sillet rreth e qark si një luan vrumbullues, duke kërkuar cilin mund të përpijë.
Hebrenjtë 13:20-21
20 Dhe Perëndia i paqes, që e nxori lart prej së vdekurish, me anë të gjakut të besëlidhjes së përjetshme, Bariun e madh të dhenve, Zotin tonë Jezu Krisht.
21 Ju bëftë të përsosur për çdo vepër të mirë, që të kryeni vullnetin e tij, duke punuar në ju atë që është e pëlqyer përpara tij, përmes Jezu Krishtit, të cilit i qoftë lavdia në jetë të jetëve. Amen.