Gospelimages (Imazhe Ungjilli) është i përkushtuar për përhapjen e mesazhit Biblik sa më gjërësisht që të jetë e mundur përmes pikturave, por jo për arsye përfitimi. Përmes dyqanit të web-it është e mundur të blihen riprodhime të cilësisë së lartë në kanavacë të pikturës së zgjedhur. Të gjitha të ardhurat nga të drejtat do të jenë të disponueshme tek GlobalRize, “duke tejshkuar botën për Krishtin online”. www.globalrize.org Ju po largoheni nga website-i.
Kthehu te indeksi
Shkarkoe imazhin falas
Davidi sjell Arkën në Jerusalem
2 i Samuelit 6:14
Davidi hidhte valle me gjithë forcat e tij përpara ZOTIT, i veshur me një efod prej liri.Teksti i plotë i biblës
2 i Samuelit 6:12-23
12 Atëherë i thanë mbretit David: “ZOTI ka bekuar shtëpinë e Obed-Edomit dhe gjithçka që është pronë e tij për shkak të Arkës së Perëndisë”. Atëherë Davidi shkoi dhe e mbarti me gëzim Arkën e Perëndisë nga shtëpia e Obed-Edomit në Qytetin e Davidit.
13 Kur ata që mbartnin Arkën e ZOTIT bënë gjashtë hapa, ai flijoi një ka dhe një viç të majmë.
14 Davidi hidhte valle me gjithë forcat e tij përpara ZOTIT, i veshur me një efod prej liri.
15 Kështu Davidi dhe tërë shtëpia e Izraelit mbartën Arkën e ZOTIT me thirrje gëzimi dhe duke u rënë borive.
16 Por ndodhi që, ndërsa Arka e ZOTIT po hynte në qytetin e Davidit, Mikala, bija e Saulit, duke shikuar nga dritarja, pa mbretin David që po hidhej dhe kërcente përpara ZOTIT dhe e përçmoi në zemrën e saj.
17 Kështu sollën Arkën e ZOTIT dhe e vendosën në vendin e saj, në mes të çadrës që Davidi kishte ngritur për të. Pastaj Davidi ofroi holokauste dhe flijime falënderimi përpara ZOTIT.
18 Kur mbaroi së ofruari holokaustet dhe flijimet e falënderimit, Davidi bekoi popullin në emër të ZOTIT të ushtrive,
19 dhe i shpërndau tërë popullit, gjithë turmës së Izraelit, burra dhe gra, secilit prej tyre nga një kulaç, nga një racion mishi dhe një sasi rrush të thatë.
20 Ndërsa Davidi po kthehej për të bekuar familjen e tij, Mikala, bija e Saulit, i doli përpara Davidit dhe i tha: “Sa i nderuar ka qenë sot mbreti i Izraelit, që u zbulua para syve të shërbëtorëve të tij, ashtu siç do të zbulohej një harbut!”.
21 Atëherë Davidi iu përgjigj Mikalës: “E bëra përpara ZOTIT që më ka zgjedhur në vend të atit tënd dhe të tërë shtëpisë së tij për të më vendosur princ të Izraelit, të popullit të ZOTIT; prandaj bëra festë përpara ZOTIT.
22 Prandaj do ta ul veten edhe më poshtë dhe do të bëhem më i pavlerë në sytë e mi; por lidhur me shërbëtoret për të cilat më fole, unë do të nderohem pikërisht prej tyre”.
23 Mikala, bija e Saulit, nuk pati fëmijë deri ditën e vdekjes së saj.
Mbi pikturën
Kur Davidi ishte tridhjetë vjeç, ai u vajos mbret mbi gjithë Izraelin, 2 i Samuelit 5.
Ai mundi Jebusitët dhe mori Jerusalemin. Ai pushtoi fortesën e Sionit dhe u vendos aty. Në këtë mënyrë Sioni u bë ‘Qyteti i Davidit’. Rreth njëzetepesë vite më vonë ai ndërtoi pallatin e tij atje, në 979 para K.
Tani, Davidi, e di ‘se ZOTI po e vendoste si mbret të Izraelit dhe e lartësonte mbretërinë e tij për dashurinë që kishte për popullin e Izraelit’, 2 i Samuelit 5:12 .
Te 2 i Samuelit 6 lexojmë se Davidi vendos të sjellë Arkën e besëlidhjes nga Kirjath-Jerimi në Jerusalem.
Përpjekja e parë për ta bërë këtë dështoi turpshëm, sepse transporti i këtij objekti të shenjtë nuk u bë në mënyrën e duhur (2 i Samuelit 6:6-11).
Përpjekja e dytë ndodh me miratimin e Perëndisë. Davidi sjell Arkën – e cila tani mbahet nga Levitët – në Jerusalem me gëzim të madh. Ai vallëzon përpara arkës, një valle të gëzueshme rrotullimi ‘përpara Perëndisë’; shih vargu 21.
Mbërritja shoqërohet me shumë muzikë dhe këngë. Shih 1 i Kronikave 15 dhe 16.
Në pikturë theksi bie mbi përjetimin e gëzuar të Davidit, në praninë e Perëndisë dhe para syve të njerëzve të thjeshtë. Shih vargu 22.
Vendosja e Arkës në Jerusalem, qendra e qeverisjes, është një tregues se Jerusalemi do të bëhet edhe qendra shpirtërore e Izraelit. Tani, për herë të parë, Perëndia zgjedh një qytet nga të gjitha fiset e Izraelit që të vendosë emrin e Tij atje. Shih edhe Ligji i Përtërirë 12:5. Tabernakulli dhe Arka nuk kishin qenë kurrë më parë në një vend të caktuar.
Kur Salomoni më vonë ndërtoi tempullin në Jerusalem, dhe arkës i jepej një vend i përhershëm atje, lavdia e Perëndisë mbushi tempullin.
Qyteti i Jerusalemit (qyteti i paqes), quhet po ashtu qyteti i Shenjtë. Mateu 27:53.
Më vonë, Perëndia, do t’i tregojë Davidit vendin e duhur ku ai do të ndërtojë tempullin e Tij, pikërisht në lëmin e Araunas Jebuzitit, mbi malin Moria. Shih edhe Zanafilla 22.
Tempulli është një tip parafytyrimi të Krishtit. Shih edhe Gjoni 2:19-22.
Perëndia e lidh Emrin e Tij me shtëpinë/dinastinë e Davidit; Ai bën një besëlidhje me Davidin. 2 i Samuelit 7.
Me themelimin e mbretërisë së Davidit, Ai mbjell një rrënjë, nga e cila do të lindë një filiz, ‘Filizi nga trungu i Isait’. Isaia 11.
Jeremia 33:15 : ‘Në ato ditë dhe në atë kohë do të bëj që të mbijë për Davidin një filiz drejtësie, që do të ushtrojë gjykimin dhe drejtësinë në vend’.
Te Zbulesa 22:13, Krishti quhet ‘Rrënja dhe Pasardhja e Davidit’.
Me rastin e mbërritjes së Arkës në Jerusalem, Davidi shkruan një psalm lëvdimi, shih 1 i Kronikave 16:8-36.