Jezusi dhe Nikodemi

Gjoni 3:1-21 1 Midis farisenjve ishte një njeri me emrin Nikodem, një kre i judenjve. 2 Ky erdhi natën te Jezusi dhei tha: “Mësues, ne e dimë se ti je mësues i ardhur nga Perëndia, sepse askush nuk mund të bëjë shenjat, që bën ti, në qoftë se Perëndia nuk është me të”. 3 Jezusi iu përgjigj e i tha: “Në të vërtetë, në të vërtetë po të them se nëse një nuk lind përsëri, ai nuk mund ta shohë mbretërinë e Perëndisë”. 4 Nikodemi i tha: “Si mund të lindë një njeri kur është plak? A mund të hyjë ai për së dyti në barkun e nënës së vet dhe të lindë?”. 5 Jezusi u përgjigj: “Në të vërtetë, në të vërtetë po të them se, kush nuk lind nga uji dhe nga Fryma, ai nuk mund të hyjë në mbretërinë e Perëndisë. 6 Ç’ka lindur nga mishi, është mish; dhe ç’ka lindur nga Fryma, është frymë. 7 Mos u mrekullo që të thashë: “Duhet të lindni përsëri”. 8 Era fryn ku të dojë dhe ti ia dëgjon zërin, por nuk e di nga vjen dhe ku po shkon; kështu është edhe çdo njeri që është lindur nga Fryma”. 9 Nikodemi u përgjigj, e i tha: “Si mund të ndodhin këto gjëra?”. 10 Jezusi u përgjigj dhe i tha: “Ti je mësues në Izrael dhe nuk i ditke këto? 11 Në të vërtetë, në të vërtetë unë të them: Ne flasim atë që dimë dhe dëshmojmë atë që kemi parë, dhe ju nuk e pranoni dëshminë tonë. 12 Në qoftë se ju kam folur për gjërat tokësore dhe ju nuk besoni, si do të besoni nëse ju flas për gjërat qiellore? 13 Dhe askush nuk u ngjit në qiell, përveç atij që zbriti nga qielli, pra, Birit të njeriut që është në qiell. 14 Dhe ashtu si Moisiu e ngriti gjarprin në shkretëtirë, kështu duhet të ngrihet lart Biri i njeriut, 15 që të gjithë që besojnë në të, të mos humbasin, por të kenë jetën e përjetshme. 16 Sepse Perëndia e deshi aq botën, sa dha Birin e tij të vetëmlindurin, që kushdo që beson në të, të mos humbasë, por të ketë jetën e përjetshme. 17 Sepse Perëndia nuk e dërgoi Birin e vet në botë që ta gjykojë botën, por që bota të shpëtohet me anë të tij. 18 Ai që beson në të, nuk gjykohet, por ai që nuk beson, tashmë është gjykuar, sepse nuk ka besuar në emrin e Birit të vetëmlindur të Perëndisë. 19 Dhe gjyqi është ky: Drita erdhi në botë dhe njerëzit deshën errësirën më tepër se dritën, sepse veprat e tyre ishin të mbrapshta. 20 Sepse kushdo që bën gjëra të mbrapshta e urren dritën dhe nuk vjen te drita, që të mos zbulohen veprat e tij; 21 por kush bën të vërtetën vjen te drita, që veprat e tij të zbulohen, se janë bërë në Perëndinë”.

Nikodemi, një burrë prej Farisenjve, anëtar i Këshillit të Lartë Judeas (Sanhedrinit) e sheh Jezusin si mësues / profet të dërguar nga Perëndia, i cili kryen shenja të veçanta. Farisenjtë (Të veçuarit) njihen në kohën e Jezusit për interpretimin dhe praktikimin e tyre të ngurtë e rigoroz të ligjit të Moisiut. Nikodemi fillon duke thënë: “Ne e dimë ...”. Ai “beson” te Jezusi për shkak se ai shikon shenjat. Gjoni 2:23. Ai mendon se sheh Mbretërinë e Perëndisë. Megjithatë, është një besim pa thellësi e jetëgjatësi, si tregohet në vazhdim. Përgjigja e Jezusit tregon se vizioni i vërtetë i Mbretërisë së Perëndisë është i mundshëm vetëm nëse një person “lind sërish”. Ai pastaj shpjegon se çfarë sjell kjo lindje e re. Fjalët e Jezusit ngrenë pyetje të reja për Nikodemin: ‘Si mundet ...? Këtu tregohet padija e tij. Ai mund ta dinte nga Dhiata e Vjetër se çfarë donte të thoshte Jezusi. Për shembull, Ezekieli 36:25-27 thotë: 25 Do të lëshoj pastaj ujë të pastër mbi ju dhe do të jeni të pastër; do t’ju pastroj nga të gjitha ndyrësitë tuaja dhe nga të gjithë idhujt tuaj. 26 Do t’ju jap një zemër të re dhe do të shtie brenda jush një frymë të re; do të heq nga mishi juaj zemrën prej guri dhe do t’ju jap zemrën prej mishi. 27 do të vë brenda jush Frymën tim dhe do të bëj që ju të ecni sipas statuteve të mia, dhe ju do të respektoni dhe do të zbatoni dekretet e mia. Jezusi pra bën një pyetje ballafaquese: “A je ti mësuesi i Izraelit, dhe a nuk i di ti këto gjëra?”. Ashtu si Nikodemi, Ai përdor fjalët “Ne e dimë ...”. Ai i referohet zbritjes së Tij qiellore dhe se Ai flet për llogari të Perëndisë Atë. Jezusi është Mësuesi i vërtetë i Izraelit. Pastaj Ai flet për qëllimin e misionit të Tij: Biri i Njeriut (krahaso Danieli 7:13-14) duhet të lartësohet ashtu si Moisiu ngriti gjarprin prej bronzi në shkretëtirë. Numrat 21:9. Lartësimi i referohet kryqëzimit të Tij. Jezusi i përgjigjet pyetjes së Nikodemit: ‘Si mund të lind sërish një njeri?’, në mënyrën si vijon: “Kushdo që beson në Birin e Njeriut (Jezusin) ka jetën e përjetshme”. 16 Sepse Perëndia e deshi aq botën, sa dha Birin e tij të vetëmlindurin, që kushdo që beson në të, të mos humbasë, por të ketë jetën e përjetshme. Detyra e njeriut nuk është: të lindë sërish, por: të besojë në Birin e Perëndisë, Jezusin. Nëse dikush beson, ai/ajo mund të kuptojnë se ai/ajo ka lindur sërish – nga Fryma e Shenjtë. 56 ... sepse Biri i njeriut nuk erdhi për të shkatërruar shpirtrat e njerëzve, po për t’i shpëtuar”. Luka 9:56. Kushdo që nuk beson në Jezusin është tashmë i dënuar për këtë arsye. (Vargu 18). Arsyeja për mosbesim është se dikush nga natyra, preferon errësirën ndaj dritës. Ai nuk vjen te Drita, te Jezusi, me qëllim që ‘veprat e tij të liga’ të mos shfaqen. Te kapitulli 3:36, Gjoni pohon: 36 Ai që beson në Birin ka jetë të përjetshme, por ai që nuk i bindet Birit, nukdo të shohë jetë, por zemërimi i Perëndisë qëndron mbi të”. Te Gjoni 7:50-51, Nikodemi kundërshton dënimin e Jezusit, pa u marrë në pyetje së pari. Dhe pasi Jezusi ‘ngrihet’ në kryq, nikodemi vjen ta nderojë: 39 Por erdhi dhe Nikodemi, i cili më përpara kishte vajtur te Jezusi natën, duke sjellë një përzjerje prej mirre dhe aloeje, prej rreth njëqind librash. Gjoni 19:39. -

• Shpërndaje më tej Facebook
• Shpërndaje më tej Twitter
• Shpërndaje më tej Linkedin
• Shpërndaje më tej Pinterest
• Shpërndaje më tej Instagram