Gospelimages (Imazhe Ungjilli) është i përkushtuar për përhapjen e mesazhit Biblik sa më gjërësisht që të jetë e mundur përmes pikturave, por jo për arsye përfitimi. Përmes dyqanit të web-it është e mundur të blihen riprodhime të cilësisë së lartë në kanavacë të pikturës së zgjedhur. Të gjitha të ardhurat nga të drejtat do të jenë të disponueshme tek GlobalRize, “duke tejshkuar botën për Krishtin online”. www.globalrize.org Ju po largoheni nga website-i.
Kthehu te indeksi
Shkarkoe imazhin falas
Vrasja me gurë e Stefanit
Veprat e Apostujve 7:59-60
59 Kështu e vranë me gurë Stefanin, që i thërriste Jezusit dhe thoshte: “Zot Jezus, pranoje frymën time!”. 60 Edhe si ra në gjunjë, thirri me zë të lartë: “O Zot, mos ua ngarko atyre këtë mëkat!”. Dhe, si tha këtë, fjeti.Teksti i plotë i biblës
Veprat e Apostujve 6: 7-15, 7:54-60, 8:1
7 Ndërkaq fjala e Perëndisë po përhapej, dhe numri i dishepujve shtohej fort në Jerusalem edhe një numër i madh priftërinjsh i bindej besimit.
8 Dhe Stefani, plot besim dhe fuqi, bënte mrekulli dhe shenja të mëdha nëpër popull.
9 Dhe disa nga sinagoga, që quhej e libertinëve, e kirenarëve, e aleksandrinëve dhe e atyre të Kilikisë dhe të Azisë që u ngritën që të debatonin me Stefanin;
10 por nuk mund t’i bënin ballë urtësisë dhe frymës me anë të së cilës ai fliste.
11 Atëherë nxitën disa burra të thoshin: “Ne e kemi dëgjuar duke folë fjalë blasfemie kundër Moisiut dhe Perëndisë”.
12 edhe e ngacmuan popullin, pleqtë dhe skribët; dhe u afruan, e kapën dhe e prunë te sinedri.
13 Dhe vunë dëshmitarë të rremë që thoshin: “Ky njeri nuk pushon së foluri fjalë blasfemie kundër këtij vendi të shenjtë dhe kundër ligjit.
14 E kemi dëgjuar, në fakt, duke thënë se ky Jezusi, nazarenasi, do ta prishë këtë vend dhe do të ndryshojë zakonet që na ka lënë Moisiu”.
15 Dhe të gjithë ata që rrinin në sinedër i ngulën sytë në të, dhe panë fytyrën e tij porsi fytyrë engjëlli.
---------------------------------- (Fjalimi i Stefanit, Veprat e Apostujve 7:1-53) ---------------------------------------
54 Kur i dëgjuan këto fjalë, ata u therën në zemër të tyre dhe kërcëlluan dhëmbët kundër tij.
55 Por ai, plot Frymë të Shenjtë, i nguli sytë nga qielli, pa lavdinë e Perëndisë dhe Jezusin duke qëndruar në të djathtën e Perëndisë,
56 dhe tha: “Ja, unë po shoh qiejt e hapur dhe Birin e njeriut duke qëndruar në të djathtë të Perëndisë”.
57 Por ata, duke lëshuar britma të forta, i zunë veshët dhe të gjithë, në një mendje të vetme, u sulën mbi të;
58 dhe, si e nxorën jashtë qytetit e vranë me gurë. Dhe dëshmitarët i vunë rrobat e tyre te këmbët e një djaloshi, të quajtur Saul.
59 Kështu e vranë me gurë Stefanin, që i thërriste Jezusit dhe thoshte: “Zot Jezus, pranoje frymën time!”.
60 Edhe si ra në gjunjë, thirri me zë të lartë: “O Zot, mos ua ngarko atyre këtë mëkat!”. Dhe, si tha këtë, fjeti.
1 Por Sauli e kishte miratuar vrasjen e tij. Por në atë ditë u bë një përpjekje e madhe kundër kishës në Jerusalem; dhe të gjithë u shpërndanë nëpër krahinat e Judesë dhe të Samarisë, përveç apostujve.
Mbi pikturën
Si rrjedhojë e predikimit të apostujve, bashkësia e parë e krishterë po rritej fuqishëm. Stefani, njëri prej të shtatë dhjakëve, ndoshta një hebre që fliste greqisht, e përqendron kryesisht predikimin e tij tek hebrenjtë greqisht-folës. Disa prej tyre bëjnë rezistencë dhe debatojnë me të. Ata pretendojnë se e kanë dëgjuar Stefanin duke folur fjalë blasfemuese ‘kundër Moisiut dhe Perëndisë’. Kjo shkakton trazira. Stefanin e çojnë përpara Sinedrit, dhe dëshmitarë të rremë e akuzojnë se thoshte se Jezusi do ta shkatërrojë tempullin dhe do të ndryshojë ligjet e Moisiut.
Stefanit i lejohet ta mbrojë vetveten dhe të japë një fjalim të gjatë në të cilin ai tregon nga Bibla se:
- Izraelitët kanë treguar mosbindje të përsëritur ndaj ligjeve të Perëndisë që nga fillimi.
- Më i Larti nuk banon në tempujt e bërë nga duart njerëzore.
- Izraelitët i kanë bërë rezistencë Frymës së Shenjtë; kanë vrarë profetët.
Për më shumë, ata tradhtuan dhe vranë të drejtin (Jezusin), për të cilin folën gjithë profetët.
Atëherë këshilli nuk mund të duronte më fjalët e Stefanit, dhe pa e gjykuar atë e dëbuan jashtë qytetit. E vranë me gurë.
Dëshmitarët të cilët e kryen vrasjen me gurë, i shtruan rrobat e tyre te këmbët e Saulit.
Sauli aprovoi me plot zemër vrasjen e Stefanit. Pak kohë më vonë, vetë ai do u kthye dhe besoi te Jezusi.
Stefani vdes – me lutje në buzët e tij – për shkak të besimit në Jezus Krishtin.
Vdekja e tij shfaq ngjashmëri me atë të Jezusit:
- Ai u sulmua pavarësisht mrekullive.
- Ai u akuzua për blasfemi.
- Ai u gjykua padrejtësisht.
- Ai u lut: ‘merre shpirtin tim’.
- Ai u lut për vrasësit e tij.
‘Kujtoni fjalën që unë ju thashë: “Shërbëtori nuk është më i madh se zoti i tij. Nëse më kanë përndjekur mua, do t’ju përndjekin edhe ju”’. Gjoni 15:20
Emri Stefan ka kuptimin ‘kurorë’.
“… Ji besnik deri në vdekje dhe do të të jap kurorën e jetës”. Zbulesa 2:10