Gospelimages (Imazhe Ungjilli) është i përkushtuar për përhapjen e mesazhit Biblik sa më gjërësisht që të jetë e mundur përmes pikturave, por jo për arsye përfitimi. Përmes dyqanit të web-it është e mundur të blihen riprodhime të cilësisë së lartë në kanavacë të pikturës së zgjedhur. Të gjitha të ardhurat nga të drejtat do të jenë të disponueshme tek GlobalRize, “duke tejshkuar botën për Krishtin online”. www.globalrize.org Ju po largoheni nga website-i.
Kthehu te indeksi
Shkarkoe imazhin falas
A preferon një stampim në kanavacë?
I riu pasanik
Marku 10:21
Atëherë Jezusi e vështroi, e deshi dhe i tha: “Një gjë të mungon; shko, shit të gjitha ato që ke dhe jepua të varfërve dhe do të kesh thesar në qiell; dhe eja, merre kryqin tënd dhe më ndiq”.Teksti i plotë i biblës
Marku 10:13-28.
13 Atëherë i prunë disa fëmijë të vegjël që ai t’i prekte ata; por dishepujt i qortonin ata që i prunë.
14 Kur Jezusi e pa këtë, i indinjuar, u tha atyre: “I lini fëmijët e vegjël të vijnë tek unë dhe mos i pengoni, sepse për të tillë është mbretëria e Perëndisë.
15 Në të vërtetë po ju them se kushdo që nuk e pranon mbretërinë e Perëndisë si një fëmijë i vogël, nuk do të hyjë në të”.
16 Dhe, si i mori në krahë, i bekoi duke vënë duart mbi ta.
17 Tani kur po bëhej gati për rrugë, i doli përpara dikush me vrap; u gjunjëzua para tij dhe e pyeti: “Mësues i mirë, çfarë duhet të bëj që të trashëgoj jetën e përjetshme?”.
18 Jezusi i tha: “Përse më quan i mirë? Askush nuk është i mirë, përveç një të vetmi, domethënë Perëndisë.
19 Ti i njeh urdhërimet: “Mos shkel kurorën. Mos vrit. Mos vidh. Mos bëj dëshmi të rreme. Mos mashtro. Ndero atin tënd dhe nënën tënde”.
20 Dhe ai, duke iu përgjigjur, i tha: “Mësues, të gjitha këto i kam ruajtur që nga fëmijëria ime”.
21 Atëherë Jezusi e vështroi, e deshi dhe i tha: “Një gjë të mungon; shko, shit të gjitha ato që ke dhe jepua të varfërve dhe do të kesh thesar në qiell; dhe eja, merre kryqin tënd dhe më ndiq”.
22 Por ai u trishtua për këtë fjalë dhe u largua me keqardhje, sepse kishte shumë pasuri.
23 Atëherë Jezusi, mbasi e hodhi vështrimin përreth, u tha dishepujve të vet: “Sa vështirë është për ata që kanë pasuri të hyjnë në mbretërinë e Perëndisë!”
24 Dishepujt u shtangën nga fjalët. Por Jezusi foli përsëri dhe u tha atyre: “O bij, sa e vështirë është që të hyjnë në mbretërinë e Perëndisë ata që mbështeten te pasuria.
25 Është më e lehtë që një deve të hyjë nëpër vrimën e gjilpërës, sesa të hyjë një i pasur në mbretërinë e Perëndisë”.
26 Dhe ata u habitën edhe më tepër dhe i thoshin njëri-tjetrit: “Atëherë kush vallë mund të shpëtohet?”.
27 Por Jezusi, duke i ngulur sytë mbi ta, u tha: “Kjo për njerëzit është e pamundur, por jo për Perëndinë, sepse për Perëndinë gjithçka është e mundshme”.
28 Atëherë Pjetri filloi të thoshte: “Ja, ne lamë çdo gjë dhe të ndoqëm”.
Mbi pikturën
Në këtë kapitull, Jezusi po bekon fëmijë të vegjël. Ai i inkurajoi nënat e tyre që t’i sillnin tek Ai, duke shpjeguar: 15 Në të vërtetë po ju them se kushdo që nuk e pranon mbretërinë e Perëndisë si një fëmijë i vogël, nuk do të hyjë në të”.
Menjëherë pas ngjarjes, një i ri pasanik gjunjëzohet para Jezusit. “Mësues i mirë, - pyeti ai, - çfarë duhet të bëj që të trashëgoj jetën e përjetshme?”.
Nga reagimi i tij ndaj përgjigjes së Jezusit, ne mësojmë se pasuritë e tij e penguan që të ndiqte Jezusin. Lekët e tij dhe pronësitë e penguan që të “merrte mbretërinë e Perëndisë si një fëmijë i vogël”.