Gospelimages (Imazhe Ungjilli) është i përkushtuar për përhapjen e mesazhit Biblik sa më gjërësisht që të jetë e mundur përmes pikturave, por jo për arsye përfitimi. Përmes dyqanit të web-it është e mundur të blihen riprodhime të cilësisë së lartë në kanavacë të pikturës së zgjedhur. Të gjitha të ardhurat nga të drejtat do të jenë të disponueshme tek GlobalRize, “duke tejshkuar botën për Krishtin online”. www.globalrize.org Ju po largoheni nga website-i.
Kthehu te indeksi
Shkarkoe imazhin falas
A preferon një stampim në kanavacë?
Një njeri i paralizuar zbritet përmes çatisë
Luka 5:18-19
18 Dhe ja, disa burra po sillnin mbi një vig një njeri i cili ishte i paralizuar dhe kërkonin ta fusnin brenda dhe ta vinin përpara tij. 19 Dhe, duke mos gjetur se si ta fusnin brenda për shkak të turmës, hipën mbi çatinë e shtëpisë dhe e lëshuan përmes tjegullave me gjithë vig midis njerëzve, përpara Jezusit.Teksti i plotë i biblës
Luka 5:17 – 26
17 Një ditë ndodhi që, ndërsa Jezusi ishte duke mësuar, ishin të pranishëm, ulur, farisenj dhe mësues të ligjit, që kishin ardhur nga të gjitha fshatrat e Galilesë dhe të Judesë, dhe nga Jerusalemi; dhe fuqia e Zotit ishte me të, për t’i shëruar.
18 Dhe ja, disa burra po sillnin mbi një vig një njeri i cili ishte i paralizuar dhe kërkonin ta fusnin brenda dhe ta vinin përpara tij.
19 Dhe, duke mos gjetur se si ta fusnin brenda për shkak të turmës, hipën mbi çatinë e shtëpisë dhe e lëshuan përmes tjegullave me gjithë vig midis njerëzve, përpara Jezusit.
20 Dhe, duke parë besimin e tyre, i tha atij: “Njeri, mëkatet e tua të janë falur”.
21 Atëherë skribët dhe farisenjtë filluan të arsyetojnë duke thënë: “Kush është ky që thotë blasfemi? Kush mund t’i fali mëkatet, përveçse Perëndia?”.
22 por Jezusi, duke i njohur mendimet e tyre, duke përgjigjur u tha atyre: “Ç’po arsyetoni në zemrat tuaja?
23 Çfarë është më e lehtë, të thuhet: “Mëkatet e tua të janë falur”, apo të thuhet: “Çohu dhe ec”?
24 Por që të dini se Biri i njeriut ka pushtet mbi tokë të falë mëkatet, unë të them (i tha të paralizuarit), çohu, merre vigun tënd dhe shko në shtëpinë tënde!”.
25 Dhe menjëherë ai njeri u ngrit përpara tyre, mori vigun mbi të cilin qe shtrirë dhe shkoi në shtëpinë e vet, duke përlëvduar Perëndinë.
26 Dhe të gjithë u mahnitën dhe përlëvdonin Perëndinë, dhe, u mbushën me frikë, dhe thoshin: “Sot pamë gjëra të pabesueshme”.
Mbi pikturën
Shokët e njeriut të paralizuar u përpoqën ta çonin te Jezusi që të shërohej, por për shkak të turmës ata nuk gjetën dot rrugë. Pastaj ata u ngjitën në çati dhe e zbritën përmes tjegullave në mesin e turmës, pikërisht përpara Jezusit. Ky ishte një akt besimi.
20 Dhe, duke parë besimin e tyre, i tha atij: “Njeri, mëkatet e tua të janë falur”. Pas kësaj ai e shëron njeriun, si provë e autoritetit të Tij hyjnor.