Gospelimages (Imazhe Ungjilli) është i përkushtuar për përhapjen e mesazhit Biblik sa më gjërësisht që të jetë e mundur përmes pikturave, por jo për arsye përfitimi. Përmes dyqanit të web-it është e mundur të blihen riprodhime të cilësisë së lartë në kanavacë të pikturës së zgjedhur. Të gjitha të ardhurat nga të drejtat do të jenë të disponueshme tek GlobalRize, “duke tejshkuar botën për Krishtin online”. www.globalrize.org Ju po largoheni nga website-i.
Kthehu te indeksi
Shkarkoe imazhin falas
A preferon një stampim në kanavacë?
Djali plëngprishës
Luka 15:20-21
20 U çua, pra, dhe shkoi tek i ati. Por kur ishte ende larg, i ati e pa dhe pati dhembshuri; u lëshua vrap, u hodh mbi qafën e tij dhe e puthi. 21 Dhe i biri i tha: “O atë, mëkatova kundër qiellit dhe para teje dhe nuk jam i denjë të quhem biri yt”.Teksti i plotë i biblës
Luka 15:11-25
11 Dhe tha: “Një njeri kishte dy bij.
12 Më i riu i tyre i tha babait: “Atë, më jep pjesën e pasurisë që më takon”. Dhe ati ua ndau ç’kishte.
13 Mbas jo shumë ditësh biri më i ri mblodhi çdo gjë, shkoi larg në një vend të huaj dhe atje e prishi gjithë pasurinë, duke bërë një jetë të shthurur.
14 Dhe, si i shpenzoi të gjitha, në atë vend ra një zi e madhe buke, dhe ai filloi të jetë nevojtar.
15 Atëherë shkoi e iu ngjit pas një qytetari të atij vendi, i cili e çoi në arat e tij që të kullotë derrat.
16 Dhe ai dëshironte të mbushte barkun me lendet që hanin derrat, por askush nuk ia jepte.
17 Atëherë erdhi në vete dhe tha: “Sa mëditësve të atit tim u tepron buka, kurse unë po mbaroj nga uria!
18 Do të çohem dhe do të shkoj tek im atë dhe do t’i them: “Atë, mëkatova kundër qiellit dhe para teje;
19 nuk jam i denjë të quhem yt bir; më bëj si një nga mëditësit e tu”.
20 U çua, pra, dhe shkoi tek i ati. Por kur ishte ende larg, i ati e pa dhe pati dhembshuri; u lëshua vrap, u hodh mbi qafën e tij dhe e puthi.
21 Dhe i biri i tha: “O atë, mëkatova kundër qiellit dhe para teje dhe nuk jam i denjë të quhem biri yt”.
22 Por i ati u tha shërbëtorëve të vet: “Sillni këtu rrobën më të mirë dhe vishjani, i vini një unazë në gisht dhe sandale në këmbë.
23 Sillni viçin e majmur dhe thereni; të hamë dhe të gëzohemi,
24 sepse ky biri im ishte i vdekur dhe u kthye në jetë, ishte i humbur dhe u gjet”. Dhe filluan të gëzoheshin.
25 Djali i tij i madh ishte në arë; dhe kur erdhi dhe iu afrua shtëpisë, dëgjoi këngë e valle.
Mbi pikturën
Kjo pikturë përfaqëson një moment nga një shëmbëlltyrë që Jezusi tregoi. Vargu 20: “... Por kur ishte ende larg, i ati e pa dhe pati dhembshuri; u lëshua vrap, u hodh mbi qafën e tij dhe e puthi” – edhe para se ai të mund të fliste ndonjë fjalë. I shënuar nga vështirësitë dhe varfëria që kaloi, djali hidhet në krahët e dashur të atit të tij.