Shërimi i lebrosit

Marku 1:40-43 40 Dhe erdhi tek ai një lebros, duke iu lutur, duke rënë ne gjunjë dhe duke i thënë: “Po të duash, ti mund të më pastrosh.” 41 Dhe Jezusi pati dhembshuri, shtriu dorën, e preku dhe i tha: “Po, dua, qofsh i pastruar!” 42 Dhe, posa tha këto, menjëherë lebra e la dhe ai u shërua. 43 Pastaj, pasi e paralajmëroi rreptësisht, menjëherë e nxori jashtë.

Jezusi filloi të predikojë ungjillin e Mbretërisë së Perëndisë në Galile. “Koha ka ardhur,” tha Ai. “Mbretëria e Perëndisë është afër. Pendohuni dhe besoni lajmin e mirë!”. Një lebros erdhi te Ai, ‘papastërtia’ e të cilit e izolonte krejtësisht nga jeta sociale normale dhe e përgjëroi Jezusin që ta shëronte. “Po dua”, tha Jezusi. “Qofsh i pastruar!”. Shërimet tregojnë që mirëqenia e trupit është pjesë e rigjenerimit të njeriut në Mbretëri. Isaia 61:1-3 1 Fryma e ZOTIT, ZOTI është mbi mua, sepse ZOTI më ka vajosur për t’u dhënë një lajm të mirë të përulurve; më ka dërguar të lidh plagën e atyre që e kanë zemrën të thyer, t’u shpall çlirimin atyre në robëri, hapjen e burgut të burgosurve, 2 të shpall vitin e hirit të ZOTIT dhe ditën e hakmarrjes së Perëndisë tonë, për të ngushëlluar tërë ata që pikëllohen, 3 për t’u dhënë gëzim atyre që pikëllohen në Sion, për t’u dhënë atyre një diademë në vend të hirit, vajin e gëzimit në vend të zisë, mantelin e lavdërimit në vend të një fryme të ligështuar me qëllim që të quhen lisa të drejtësisë, mbjellja e ZOTIT, për të paraqitur lavdinë e tij.