Gospelimages (Imazhe Ungjilli) është i përkushtuar për përhapjen e mesazhit Biblik sa më gjërësisht që të jetë e mundur përmes pikturave, por jo për arsye përfitimi. Përmes dyqanit të web-it është e mundur të blihen riprodhime të cilësisë së lartë në kanavacë të pikturës së zgjedhur. Të gjitha të ardhurat nga të drejtat do të jenë të disponueshme tek GlobalRize, “duke tejshkuar botën për Krishtin online”. www.globalrize.org Ju po largoheni nga website-i.
Kthehu te indeksi
Shkarkoe imazhin falas
A preferon një stampim në kanavacë?
Abrahami flijon Isakun
Zanafilla 22:10-11
10 Pastaj Abrahami shtriu dorën dhe mori thikën për të vrarë të birin. 11 Por Engjëlli i ZOTIT thirri nga qielli dhe i tha: “Abraham, Abraham!”. Ai u përgjigj: “ja ku jam”.Teksti i plotë i biblës
Zanafilla 22:9 – 13
9 Kështu arritën në vendin që Perëndia i kishte treguar dhe atje Abrahami ndërtoi altarin dhe rregulloi drutë; pastaj e lidhi Isakun, birin e tij, dhe e vendosi mbi altar, sipër druve.
10 Pastaj Abrahami shtriu dorën dhe mori thikën për të vrarë të birin.
11 Por Engjëlli i ZOTIT thirri nga qielli dhe i tha: “Abraham, Abraham!”. Ai u përgjigj: “ja ku jam”.
12 Engjëlli i tha: “Mos e zgjat dorën kundër djalit dhe mos i bëj asnjë të keqe. Tani e di mirë që ti i druhesh Perëndisë, se për shkakun tim nuk e ke kursyer birin tënd, të vetmin bir që ke”.
13 Atëherë Abrahami ngriti sytë dhe shikoi; dhe, ja, prapa tij një dash i zënë për brirësh në një kaçube. Kështu Abrahami shkoi, mori dashin e tij dhe e ofroi si holokaust në vend të të birit.
Mbi pikturën
Kur Ismaeli dhe e ëma e tij Hagar u dëbuan, Isaku u rrit si trashëgimtar i Abrahamit dhe Sarës. Besimi i Abrahamit u sprovua nga urdhri i Zotit që të ofronte Isakun si flijim. Edhe pritja që të bëhej me djalë kishte qenë provë e vështirë. Megjithatë (Romakët 4:18) “...kundër çdo shprese, Abrahami me shpresë besoi dhe kështu u bë ati i shumë kombeve, pikërisht siç i ishte thënë atij, “Kështu do të jetë pasardhja jote”. Pa u zbehur në besimin e tij, ai u përball me faktin se trupi i tij ishte thuajse i vdekur – dhe mitra e Sarës ishte po ashtu e vdekur”.
Abrahami besoi se Perëndia edhe përmes vdekjes do ta mbante premtimin e Tij. Edhe tani, kur i duhej ta sillte Isakun si flijim, kjo duhet t’ia ketë lënduar zemrën tmerrësisht.
Me besim, kur Perëndia e sprovoi atë, Abrahami ofroi Isakun si holokaust. Ai i cili kishte rrokur premtimet e Perëndisë, do sakrifikonte birin e tij të vetëm, edhe pse Perëndia i kish thënë atij, “Përmes Isakut pasardhja jote do të përllogaritet”. Abrahami arsyetoi se Perëndia mund ta ringjallte, e kështu në një farë mënyre ai e fitoi prapë Isakun prej vdekjes.
Kjo histori është shumë e ngjashme me historinë e lindjes, vuajtjeve dhe flijimit të Birit të vetëmlindur të Perëndisë; Jezus Krishtit.
Abrahami e ka parë këtë me besim, Gjoni 8:56 : ‘Abrahami, ati juaj, ngazëllehej në shpresën që të shihte ditën time; e pa dhe u gëzua’.