Pasardhja e premtuar e Abrahamit

Zanafilla 15:5-6. 5 Pastaj e çoi jashtë dhe i tha: “Vështro me kujdes qiellin dhe numëro yjet në rast se mund t’i numërosh”, pastaj shtoi: “Kështu ka për të qenë pasardhja jote”. 6 Dhe ai i besoi ZOTIT dhe kjo iu llogarit për drejtësi.

Zanafilla 12 përshkruan Perëndinë që e thërret Abrahamin të shkojë te toka që Ai do t’i tregonte atij. Perëndia i premtoi atij që ‘ta bënte atë një popull të madh’. Perëndia e përsërit premtimin në kapitullin 15, duke i garantuar Abrahamit: “... por ai që ka për të dalë nga të përbrendshmet e tua do të jetë trashëgimtari yt”. Perëndia e nxori jashtë Abrahamin dhe i premtoi atij pasardhje aq të shumtë sa yjet në qiellin e natës. Atëherë Perëndia bëri një besëlidhje me Abrahamin. Te Galatasve 3:14, ne lexojmë se bekimi që i është dhënë Abrahamit erdhi tek johebrenjtë nëpërmjet Krishtit Jezus. Kështu, premtimi i pasardhjes së Abrahamit, drejton për tek Jezusi, Shpëtimtari. Zanafilla 15:6 : “Abrahami i besoi Perëndisë dhe kjo iu llogarit atij për drejtësi”.