Gospelimages (Imazhe Ungjilli) është i përkushtuar për përhapjen e mesazhit Biblik sa më gjërësisht që të jetë e mundur përmes pikturave, por jo për arsye përfitimi. Përmes dyqanit të web-it është e mundur të blihen riprodhime të cilësisë së lartë në kanavacë të pikturës së zgjedhur. Të gjitha të ardhurat nga të drejtat do të jenë të disponueshme tek GlobalRize, “duke tejshkuar botën për Krishtin online”. www.globalrize.org Ju po largoheni nga website-i.
Kthehu te indeksi
Shkarkoe imazhin falas
A preferon një stampim në kanavacë?
Ëndrra e Jakobit në Bethel
Zanafilla 28:12-13
12 Dhe pa në ëndërr një shkallë të mbështetur mbi tokë, maja e së cilës prekte qiellin; dhe ja engjëjt e Perëndisë hipnin e zbrisnin në të. 13 Dhe, ja, ZOTI ndodhej në majë të saj dhe i tha: “Unë jam ZOTI, Perëndia i Abrahamit, babait tënd, dhe Perëndia i Isakut; tokën mbi të cilën je shtrirë do të ta jap ty dhe pasardhjes sate;Teksti i plotë i biblës
Zanafilla 28:1-18
1 Atëherë Isaku thirri Jakobin, e bekoi, i dha këtë urdhër dhe i tha: “Mos u marto me një grua nga Kanaani.
2 Çohu, shko në Padan-Aram, në shtëpinë e Bethuelit, atit të nënës sate, dhe merr për grua një nga bijat e Labanit, vëllait të nënës sate.
3 Perëndia i plotfuqishëm të bekoftë, të bëftë pjellor dhe të shumoftë, në mënyrë që ti të bëhesh një kuvend popujsh
4 dhe të dhëntë bekimin e Abrahamit ty dhe pasardhjes sate, në mënyrë që ti të jesh zot i vendit ku banon si i huaj dhe që Perëndia ia fali Abrahamit”.
5 kështu Isaku e nisi Jakobin, që shkoi në Padan-Aram te Labani, biri i Bethuelit, arameu, i vëllai i Rebekës, nëna e Jakobit dhe e Esaut.
6 Por Esau pa që Isaku kishte bekuar Jakobin dhe e kish nisur në Padan-Aram që të merrte atje një grua por, duke e bekuar, i kishte dhënë këtë urdhër duke thënë: “Mos merr grua nga bijat e Kanaanit”;
7 dhe Jakobi i ishte bindur të atit dhe nënës së tij dhe ishte nisur për në Padan-Aram.
8 Kur Esau u bind se bijat e Kanaanit shiheshin me sy të keq nga Isaku, babai i tij,
9 shkoi tek Ismaeli dhe mori Mahalathin, të bijën e Ismaelit, që ishte biri i Abrahamit, dhe motër e Nebajothit, me qëllim që ajo të bëhej gruaja e tij, përveç grave të tjera që kishte.
10 Dhe Jakobi u nis në Beer-Sheba dhe shkoi në drejtim të Haranit.
11 Arriti në një farë vendi dhe aty kaloi natën, sepse dielli kishte perënduar. Atëherë mori një nga gurët e atij vendi, e vuri nën krye dhe aty ra në gjumë.
12 Dhe pa në ëndërr një shkallë të mbështetur mbi tokë, maja e së cilës prekte qiellin; dhe ja engjëjt e Perëndisë hipnin e zbrisnin në të.
13 Dhe, ja, ZOTI ndodhej në majë të saj dhe i tha: “Unë jam ZOTI, Perëndia i Abrahamit, babait tënd, dhe Perëndia i Isakut; tokën mbi të cilën je shtrirë do të ta jap ty dhe pasardhjes sate;
14 dhe pasardhja jote do të jetë si pluhuri i tokës dhe ti do të shtrihesh në perëndim dhe në lindje, në veri dhe në jug; dhe tërë familjet e tokës do të bekohen nëpërmjet teje dhe pasardhjes sate.
15 Dhe, ja, unë jam me ty dhe do të të mbroj kudo që të shkosh dhe do të të sjell përsëri në këtë vend; sepse nuk do të të braktis para se të bëj atë që të kam thënë”.
16 Atëherë Jakobit i doli gjumi dhe tha: “Me siguri ZOTI është në këtë vend dhe unë nuk e dija”.
17 Dhe pati frikë e tha: “Sa i tmerrshëm është ky vend! Kjo nuk është tjetër veçse shtëpia e Perëndisë, dhe kjo është porta e qiellit!”.
18 Kështu Jakobi u ngrit herët në mëngjes, mori gurin që kishte vënë nën krye, e ngriti si një përmendore dhe derdhi vaj mbi majën e saj.
Mbi pikturën
Konflikti me vëllain e tij Esau e shtyn jakobin të largohet nga shtëpia. Prindërit e tij e dërgojnë në Haran. Ati i tij i thotë të martohet atje me një nga vajzat e xhaxhait të tij Laban. Përpara se Jakobi të largohet, Isaku e bekon me bekimin e Abrahamit.
Duke kaluar natën në fushë në rrugën për në Haran, Jakobi ëndërron. Në ëndërr vetë Perëndia i shfaqet Jakobit si Perëndia i Abrahamit dhe Isakut, dhe konfirmon bekimin me të cilin ati i tij e kishte bekuar. Jakobi sheh një shkallë në të cilën engjëjt e Perëndisë ngjiten dhe zbresin. Mbi të qëndronte Zoti, i cili i flet atij.
Në Dhiatën e Re gjejmë një paralelizëm që na godet:
Te Gjoni 1:51 Jezusi thotë: “Në të vërtetë, në të vërtetë po ju them se tash e tutje ju do të shihni qiellin e hapur dhe engjëjt e Perëndisë duke u ngjitur dhe duke zbritur mbi Birin e njeriut”.
Pra, Jezusi tregon se përmes Tij, një komunikim i vazhdueshëm me qiellin do të vendoset. Jezusi Vetë thotë se është “porta e qiellit”.