Gospelimages (Imazhe Ungjilli) është i përkushtuar për përhapjen e mesazhit Biblik sa më gjërësisht që të jetë e mundur përmes pikturave, por jo për arsye përfitimi. Përmes dyqanit të web-it është e mundur të blihen riprodhime të cilësisë së lartë në kanavacë të pikturës së zgjedhur. Të gjitha të ardhurat nga të drejtat do të jenë të disponueshme tek GlobalRize, “duke tejshkuar botën për Krishtin online”. www.globalrize.org Ju po largoheni nga website-i.
Kthehu te indeksi
Shkarkoe imazhin falas
A preferon një stampim në kanavacë?
Altari i Abramit në Hebron
Zanafilla 13:18
18 Atëherë Abrami i ngriti çadrat e tij dhe vajti të banojë në lisat e Mamres, që ndodhen në Hebron; dhe aty ndërtoi një altar kushtuar ZOTIT.Teksti i plotë i biblës
Zanafilla 13:18
18 Atëherë Abrami i ngriti çadrat e tij dhe vajti të banojë në lisat e Mamres, që ndodhen në Hebron; dhe aty ndërtoi një altar kushtuar ZOTIT.
Mbi pikturën
Te Zanafilla 11 dhe 12 prezantohet Abrami; pasardhës i Shemit. Zoti e thërret Abramin të largohet nga Uri i Mesopotamisë, dhe të vejë në vendin që Perëndia do t’i tregonte atij: Kanaani. Perëndia i premton Abramit se do ta bëjë popull të madh dhe i premton atij se do t’i japë tokën e Kanaanit pasardhësve të tij. Për më tepër, Zoti i thotë atij: ‘dhe ti do të jesh bekim’ dhe ‘gjithë popujt e tokës do të bekohen përmes teje’.
Abram niset për në Kanaani dhe mbërrin atje. Ndërsa udhëton përmes vendit ai ndërton altare për Perëndinë në disa vende; së pari në Shekhem, më pas edhe në rrethinat e Bethelit dhe Ait. Altari i tretë i përmendur në tekst ndërtohet afër pemëve të larta të Mamres në Hebron. Ky altar paraqitet në pikturë. Hebroni është i dukshëm në sfond.
Një altar është një vend ku kryhen flijime. Abrami iu përgjigj premtimeve të Perëndisë me adhurim. Në këtë adhurim në altar, flijimi luajti rol kryesor. Flijimi i referohet sakrificës më të lartë të Jezusit, përmes së cilës ne mund të vijmë te Perëndia.
Hebron do të thotë: vend përbashkësie dhe vëllazërie. Mamre do të thotë: begati.
Abram përjetoi përbashkësi me Zotin përmes adhurimit, dhe u preh në besnikërinë e premtimeve të Tij për sa i përket tokës dhe pasardhjes së tij. Ai ‘priste qytetin, që ka themelet, mjeshtër dhe ndërtues i të cilit është Perëndia’ (Hebrenjtë 11:10).
Jezusi, duke folur për Abrahamin tha: (Gjoni 8:56) ‘Abrahami, ati juaj, ngazëllehej në shpresën që të shihte ditën time; e pa dhe u gëzua’.
Më vonë në historinë e Izraelit, Hebroni përmendet si një prej gjashtë qyteteve strehë (Jozueu 20:7, 8). Një qytet strehë është një vend ku kushdo që vret një njeri aksidentalisht dhe pa dashje, mund të arratiset atje dhe të gjejë mbrojtje nga hakmarrësi i gjakut. Në një farë mënyre qyteti strehë është një pasqyrim i Jezus Krishtit. Kushdo që është në Të përmes besimit, nuk do të dënohet.