Gospelimages (Imazhe Ungjilli) është i përkushtuar për përhapjen e mesazhit Biblik sa më gjërësisht që të jetë e mundur përmes pikturave, por jo për arsye përfitimi. Përmes dyqanit të web-it është e mundur të blihen riprodhime të cilësisë së lartë në kanavacë të pikturës së zgjedhur. Të gjitha të ardhurat nga të drejtat do të jenë të disponueshme tek GlobalRize, “duke tejshkuar botën për Krishtin online”. www.globalrize.org Ju po largoheni nga website-i.
Kthehu te indeksi
Shkarkoe imazhin falas
A preferon një stampim në kanavacë?
Jozefi shitet nga vëllezërit e tij
Zanafilla 37:28
Ndërsa po kalonin tregtarë medianitë, ata e ngritën Jozefin dhe e nxorën jashtë pusit dhe ua shitën ismaelitëve Jozefin për njëzet monedha argjendi. Dhe këta e shpunë Jozefin në Egjipt.Teksti i plotë i biblës
Zanafilla 37:23-28
23 Kur Jozefi arriti pranë vëllezërve të tij, këta e zhveshën nga rroba e tij, nga rroba e gjatë që i arrinte deri te këmbët;
24 pastaj e kapën dhe e hodhën në pus. Por pusi ishte bosh, nuk kishte ujë brenda.
25 Pastaj u ulën për të ngrënë; por, duke ngritur sytë, ata panë një karvan ismaelitësh që vinte nga Galaadi me devetë e tyre të ngarkuara me erëza, balsame dhe mirrë, dhe udhëtonte për t’i çuar në Egjipt.
26 Atëherë Juda u tha vëllezërve të tij: «Ç’dobi do të kemi po të vrasim vëllanë tonë dhe të fshehim gjakun e tij?
27 Ejani, t’ia shesim ismaelitëve dhe të mos e godasë dora jonë, sepse është vëllai ynë, mishi ynë». Dhe vëllezërit e tij e dëgjuan.
28 Ndërsa po kalonin tregtarë madianitë, ata e ngritën Jozefin dhe e nxorën jashtë pusit dhe ua shitën ismaelitëve Jozefin për njëzet monedha argjendi. Dhe këta e shpunë Jozefin në Egjipt.
Mbi pikturën
Jozefi është njëri prej dymbëdhjetë bijve të Jakobit. Ati i tij e do më shumë se bijtë e tij të tjerë, sepse Jozefi i ka lindur në moshë të thyer dhe ai është biri i gruas së tij shumë të dashur Rakela. Jozefi, atëherë 17-vjeçar, dërgohet nga Hebroni te vëllezërit e tij, të cilët banojnë me kopetë e tyre afër Shekemit, në kullotat e Dothanit. Kur ata e shohin Jozefin të vijë drejt tyre, vëllezërit konspirojnë që ta vrasin. Ata janë xhelozë dhe të hidhur ndaj tij për shkak të ëndrrave të tij dhe pozicionit. Jozefi kishte ëndërruar për të dy prindërit e tij dhe vëllezërit e tij se ata do t’i përuleshin atij.
Kur Jozefi arrin, ata e zhveshin nga rroba e tij e dekoruar bukur, e hedhin në një cisternë bosh dhe e shesin tek tregtarët Ishmaelitë që kalojnë në ato anë, në atë kohë. Çmimi që paguhet për të është çmimi për një skllav; 20 shekla argjendi. Jozefi çohet në Egjipt.
Disa paralele me jetën e Jezusit:
- Jezusi po ashtu ishte Biri i shumë i dashur i Atit të Tij. Zanafilla 37:3 krahaso me Gjoni 3:16.
- Ati e dërgoi Atë te vëllezërit e Tij dhe ai ishte i gatshëm të shkonte. Zanafilla 37:13 krahaso me Psalmin 40:8-9, Gjoni 1:11, Mateu 15:24, Filipianëve 2:5-7.
- Ai dëshmoi për të ardhmen e Tij në pozicion pushteti, por u refuzua dhe u urrye. Zanafilla 37:5 krahaso me Danieli 7:13-14, Gjoni 15:23-25, Gjoni 3:14-22.
- Vëllezërit e Tij/njerëzit e tij planifikuan ta vrisnin. Zanafilla 37:18-20, Mateu 12:14, Luka 19:47, Luka 20:13-14.
- Juda e shiti Atë për monedha argjendi. Zanafilla 37:28 krahaso me Mateu 26:14-15.