Gospelimages (Imazhe Ungjilli) është i përkushtuar për përhapjen e mesazhit Biblik sa më gjërësisht që të jetë e mundur përmes pikturave, por jo për arsye përfitimi. Përmes dyqanit të web-it është e mundur të blihen riprodhime të cilësisë së lartë në kanavacë të pikturës së zgjedhur. Të gjitha të ardhurat nga të drejtat do të jenë të disponueshme tek GlobalRize, “duke tejshkuar botën për Krishtin online”. www.globalrize.org Ju po largoheni nga website-i.
Kthehu te indeksi
Shkarkoe imazhin falas
A preferon një stampim në kanavacë?
Jozefi në burg me kupëmbajtësin dhe bukëpjekësin
Zanafilla 40:13
“... në krye të tri ditëve faraoni do të të bëjë të ngresh përsëri kokën lart, do të të rivendosë në detyrën tënde dhe to do t’i japësh në dorë kupën Faraonit, siç bëje më parë kur ishe kupëmbajtësi i tij”.Teksti i plotë i biblës
Zanafilla 40:1-8
1 Mbas këtyre gjërave, ndodhi që kupëmbajtësi dhe bukëpjekësi i mbretit të Egjiptit fyen zotërinë e tyre, mbretin e Egjiptit.
2 Dhe Faraoni u zemërua me të dy oficerët e tij, kryekupëmbajtësin dhe kryebukëpjekësin,
3 dhe i futi në burg, në shtëpinë e kreut të rojeve, në po atë burg ku ishte mbyllur Jozefi.
4 Dhe kapiteni i rojave i la nën mbikëqyrjen e Jozefit, i cili i ndihmonte. Kështu ata qëndruan në burg për një farë kohe.
5 Po atë natë, kupëmbajtësi dhe bukëpjekësi i mbretit të Egjiptit, që ishin të mbyllur në burg, panë që të dy një ëndërr, secili ëndrrën e vet, me një kuptim të veçantë.
6 Dhe të nesërmen në mëngjes Jozefi erdhi tek ata dhe vuri re se ishin të shqetësuar.
7 Atëherë ai pyeti oficerët e Faraonit, që ishin me të në burg, në shtëpinë e zotërisë së tij dhe u tha: «Pse keni sot një fytyrë kaq të trishtuar?».
8 Ata iu përgjigjën: «Kemi parë një ëndërr dhe askush nuk është në gjendje ta interpretojë». Atëherë Jozefi u tha atyre: «Interpretimet a nuk i përkasin vallë Perëndisë? Më tregoni ëndrrat, ju lutem».
Mbi pikturën
Jozefi çohet larg në Egjipt dhe shitet si skllav te Potifari, një oficer i faraonit. Pasi akuzohet padrejtësisht nga gruaja e Potifarit, e cila pretendon se ka pësuar dhunë prej Jozefit, ai burgoset. Në burg ai takon kupëmbajtësin e faraonit dhe bukëpjekësin e tij të cilët ishin po ashtu nën arrest.
Jozefi bëhet shërbëtor i tyre. Një ditë, si kupëmbajtësi dhe bukëpjekësi zgjohen pasi kanë parë ëndrra të mistershme. Jozefi ofrohet t’ua shpjegojë ëndrrat. Shpjegimi, i cili i takon Perëndisë, më vonë vërtetohet si i saktë. Pas tre ditëve, kupëmbajtësi rikthehet në detyrën e tij në oborrin e faraonit, ndërsa bukëpjekësi varet. Numri tre, i treguar nga veprimi i dorës së Jozefit në pikturë, shfaqet si thelbësor për shpjegimin.
Paralele me jetën e Jezusit:
Jezusi gjithashtu u rezistoi tundimeve. Zanafilla 39:9, krahaso me Gjonin 4:1-12.
Jezusi gjithashtu u akuzua padrejtësisht. Zanafilla 39:13-18 krahasuar me Mateun 26:59-65.
Jezusi gjithashtu u poshtërua thellësisht, përpara se ta lavdëronin si Mbret. Zanafilla 41:14 etj., Efesianëve 2:20-21, Hebrenjtë 2:9, Filipianëve 2:8-9.
Nëpërmjet shpjegimit të ëndrrave bëhet i qartë një element profetik në jetën e Jozefit. Jezusi është Profeti i Madh:
Isaia 11:2 :
2 Fryma e Zotit do të pushojë mbi të; fryma e urtësisë dhe e zgjuarsisë, fryma e këshillës dhe e fuqisë, fryma e njohurisë dhe e frikës së Zotit.
Krahaso me Isaia 9:5, Danieli 5:12, Luka 4:18-22.