Gospelimages (Imazhe Ungjilli) është i përkushtuar për përhapjen e mesazhit Biblik sa më gjërësisht që të jetë e mundur përmes pikturave, por jo për arsye përfitimi. Përmes dyqanit të web-it është e mundur të blihen riprodhime të cilësisë së lartë në kanavacë të pikturës së zgjedhur. Të gjitha të ardhurat nga të drejtat do të jenë të disponueshme tek GlobalRize, “duke tejshkuar botën për Krishtin online”. www.globalrize.org Ju po largoheni nga website-i.
Kthehu te indeksi
Shkarkoe imazhin falas
A preferon një stampim në kanavacë?
Ngjitja në qiell e Jezusit
Luka 24:50-51
50 Dhe i priu jashtë deri në Betania dhe, si i ngriti lart duart, i bekoi. 51 Dhe ndodhi që, ndërsa ai po i bekonte, u nda prej tyre dhe u ngrit lart në qiell.Teksti i plotë i biblës
Marku 16:19, Luka 24:50-51, Veprat e Apostujve 1:9.
Marku 16:19
Zoti, pra, mbasi u foli atyre, u mor në qiell dhe u ul në të djathtë të Perëndisë.
Veprat e Apostujve 1:9
Mbasi i tha këto, ndërsa ata po e shikonin, u ngrit lart; dhe një re e mori prej syve të tyre.
Luka 24:50-51
50 Dhe i priu jashtë deri në Betania dhe, si i ngriti lart duart, i bekoi.
51 Dhe ndodhi që, ndërsa ai po i bekonte, u nda prej tyre dhe u ngrit lart në qiell.
Mbi pikturën
- 40 ditë pas ringjalljes së Tij ngjitet në qiell. Pasi e përuli Vetveten duke u bërë i bindur deri në vdekje, Ai tani lartësohet si Mbret. Filipianëve 2:9.
- Pak përpara ngjitjes në qiell Ai u flet dishepujve të Tij: ‘Mua më është dhënë çdo pushtet në qiell e në tokë’. Mateu 28:18.
- Fakti që Perëndia Atë e merr Jezusin lart në qiell vërteton pranimin e Atit të sakrificës së Birit. Hebrenjve 10:12.
- Ai e mundi djallin, mëkatin dhe vdekjen. Ngjitja e Tij është hyrja e lavdishme e Fitimtarit i cili ngjitet në Fronin e Tij në qiell; në krahun e djathtë të Atit. Hebrenjve 1:3.
- Në pozitën e Adamit të dytë dhe të fundit, Ai mbush boshllëkun mes Perëndisë dhe njeriut që u shkaktua nga mëkati i Adamit të parë. Zanafilla 3, 1 e Korintasve 15:45, 49.
- Kryeprifti tokësor hyri në Shenjtoren shumë të Shenjtë në tempull çdo vit me gjakun e kafshës sakrifikuese; Jezusi si Kryeprift i Besëlidhjes së Re, një herë e përgjithmonë hyn në shenjtoren qiellore me gjakun e Tij për të marrë shpengimin e përjetshëm për ne. Hebrenjve 6:20, 7, 9:24.
- Ai shkoi te shtëpia e Atit të Tij në parajsë që të bëjë gati një vend për ne. Gjoni 14:2.
- Krishti, Ndërmjetësi i Besëlidhjes së Re përfaqëson ata që besojnë në Të tek Perëndia Atë dhe lutet për ta. 1 e Gjonit 2:1, Romakëve 8:34.
- Besimtarët e marrin Frymën e Shenjtë si garanci dhe paradhënie të trashëgimisë qiellore. 1 Korintasve 1:22, Efesianëve 1:14. Mbi tokë ata mbeten në praninë e Perëndisë përmes Frymës.
- Nga froni i Tij i mrekullueshëm në të djathtë të Atit, Krishti mbretëron si ‘Kreu i mbretërve të tokës’. Zbulesa 1:5, Kolosianëve 2:10.
- Perëndia sundon mbi të gjitha gjërat përmes Krishtit. Në kohën para ardhjes së Tij të dytë (Veprat e Apostujve 1:11, 3:21) Jezusi bën të shpallet ungjilli anë e mbanë gjithë kombeve. Mateu 28:19.
- Përmes Fjalës dhe Frymës së Tij, Ai i bën njerëzit të besojnë në Të dhe të pranojnë Mbretërimin e Tij. Efesianëve 2:8.
- Besimtarët thirren të jetojnë si qytetarë të Mbretërisë qiellore. Kolosianëve 3.
- Kushdo që beson në Të është në ‘Krishtin’, pra: ‘në Të’ ata vendosen tashmë në sferat qiellore. Efesianëve 2:6, Romakëve 8:29.
- Gjoni 3:36: “Ai që beson në Birin ka jetë të përjetshme, por ai që nuk i bindet Birit, nuk do të shohë jetë, por zemërimi i Perëndisë qëndron mbi të”.
Praraprirja e ngjitjes
- Në Dhiatën e Vjetër, ngjitja e Jezus Krishtit është profetizuar dhe Mbretërimi i Tij është shpallur: Psalmet 2, 15, 21:7, 24, 45, 47, 68:19, 110, Jeremia 30:21.
- Paraprirja e ngjitjes paraqitet në jetën e Enokut, Elias dhe Jozefit.
- Ashtu si tymi i sakrificave të Dhiatës së Vjetër ngjitej te Perëndia, Jezusi ngjitet te Perëndia Atë me Sakrificën e Tij përfundimtare.
Biri i Njeriut u ngjit në parajsë, dhe Ai do të kthehet po ashtu në tokë, por pastaj Ai do të vijë në lavdinë e plotë dhe në madhështinë e Tij të madhe, si Mbret dhe Gjyqtar. Mateu 25:31.
Gjithashtu ardhja e dytë e Krishtit është profetizuar te Zakaria 14:4.