Gospelimages (Imazhe Ungjilli) është i përkushtuar për përhapjen e mesazhit Biblik sa më gjërësisht që të jetë e mundur përmes pikturave, por jo për arsye përfitimi. Përmes dyqanit të web-it është e mundur të blihen riprodhime të cilësisë së lartë në kanavacë të pikturës së zgjedhur. Të gjitha të ardhurat nga të drejtat do të jenë të disponueshme tek GlobalRize, “duke tejshkuar botën për Krishtin online”. www.globalrize.org Ju po largoheni nga website-i.
Kthehu te indeksi
Shkarkoe imazhin falas
A preferon një stampim në kanavacë?
Lindja e Moisiut
Eksodi 2:5-6
5 Por vajza e Faraonit zbriti për t’u larë në lumë, ndërsa shërbëtoret e saj shëtisnin buzë lumit. Ajo pa kanistrën në kallamishte dhe dërgoi shërbëtoren e saj ta marrë. 6 E hapi dhe pa fëmijën; dhe ja, i vogli po qante; asaj iu dhimbs dhe tha: “Ky është një fëmijë hebre”.Teksti i plotë i biblës
Eksodi 2:1-10
1 Por një njeri i shtëpisë së Levit shkoi e mori për grua një bijë të Levit.
2 Dhe gruaja u ngjiz dhe lindi një bir, dhe, duke e parë që ishte i bukur, e mbajti fshehur tre muaj.
3 Por, kur nuk mundi ta mbante më të fshehur, mori një kanistër prej xunkthi, e leu me bitum dhe katran, vendosi në të fëmijën dhe e la në kallamishtën në bregun e lumit.
4 Motra e fëmijës rrinte në një farë largësie për të mësuar se çfarë do t’i ndodhte.
5 Por vajza e Faraonit zbriti për t’u larë në lumë, ndërsa shërbëtoret e saj shëtisnin buzë lumit. Ajo pa kanistrën në kallamishte dhe dërgoi shërbëtoren e saj ta marrë.
6 E hapi dhe pa fëmijën; dhe ja, i vogli po qante; asaj iu dhimbs dhe tha: “Ky është një fëmijë hebre”.
7 Atëherë motra e fëmijës i tha bijës së Faraonit: “A duhet të shkoj të thërras një tajë nga gratë hebreje, që ta mëndë këtë fëmijë për ty?”.
8 E bija e Faraonit iu përgjigj: “Shko”. Dhe vajza shkoi të thërrasë nënën e fëmijës.
9 Dhe bija e Faraonit i tha: “Merre me vete këtë fëmijë, mënde për mua dhe unë do të të jap pagën tënde”. Kështu gruaja e mori fëmijën dhe e mëndi.
10 Kur fëmija u rrit, ajo ia çoi bijës së Faraonit; ai u bë bir i saj dhe ajo e quajti Moisi, duke thënë: “Sepse unë e nxora nga uji”.
Mbi pikturën
Pas vdekjes së Jozefit dhe vëllezërve të tij, pasardhësit e tyre u bënë të shumtë në Egjipt. Me kalimin e kohës një faraon i ri vjen në pushtet, i cili nuk e njohu kurrë Jozefin. Ai e sheh rritjen e popullit të Izraelit si një kërcënim dhe prandaj i shtyp Izraelitët me punë të forcuar.
Ai po ashtu urdhëron mamitë që të vrasin gjithë bijtë e sapolindur të izraelitëve. Megjithatë, mamitë e injorojnë këtë urdhërim. Faraoni atëherë urdhëron të gjithë egjiptasit të hedhin në lumin Nil të gjithë djemtë e rinj hebrenj. Në këto rrethana u lind Moisiu.
Nëna e tij Johebedi e fsheh Moisiun për tre muaj. Në mënyrë që ta shpëtojë Moisiun ajo bën si vijon: ajo merr një kanistër papirusi për të dhe e mbulon me bitum dhe katran. Atëherë ajo e vendos Moisiun në të dhe e vendos mes kallamave përgjatë bregut të Nilit. (Shih edhe Hebrenjve 11:23).
Motra e tij (fëmijës), Miriam qëndron në një farë largësie që të shohë se çfarë do t’i ndodhë atij. Në pikturë, fytyra e saj është e dukshme në mes të kallamave. Bija e faraonit e gjen Moisiun. Ajo e adopton atë si birin e saj.
Një paralel me jetën e Jezusit:
- Gjithashtu, kur jezusi lind, është një sundues i lig i cili urdhëron të vriten fëmijët hebrenj.
- Jezusi po ashtu ka qenë në Egjipt: Mateu 2:14-15 :
14 Jozefi, pra, u ngrit, mori fëmijën e nënën e tij natën dhe iku në Egjipt.
15 Dhe qëndroi atje derisa vdiq Herodi, që të përmbushej ajo që u tha prej Zotit, me anë të profetit, duke thënë: “Prej Egjiptit e thirra birin tim”.
Te Zanafilla 15, Perëndia i premton Abrahamit të çlirojë pasardhësit e tij nga toka e skllavërisë. Moisi thirret që të bëhet udhëheqësi i cili do ta drejtojë popullin jashtë Egjiptit. Në atë pozitë, ai ndërmjetëson mes Perëndisë dhe popullit. Për këtë arsye ai quhet ‘Ndërmjetësi i Besëlidhjes së Vjetër’.* Ai është një tip ose hije (figurë pararendëse) i Krishtit, Ndërmjetësit të Besëlidhjes së Re*. Hebrenjve 8.
Perëndia i flet Moisiut dhe Moisiu flet fjalët e Perëndisë te populli. Kështu Moisiu ishte një profet. Jo vetëm që ishte profet, por gjithashtu një prift dhe një mbret. Ai bëri sakrifica në emër të popullit dhe ishte edhe sundimtari i tyre.
Në jetën e Jezusit, i shohim këto detyra që përmbushen në mënyrë të përsosur. Ai çliron nga robëria e mëkatit; Ai është Kryeprifti i cili sakrifikon Vetveten që të bëjë shlyerje me Perëndinë. Hebrenjve 9:11,12. Ai është Fjala që u bë mish; Ai është Profeti i Madh. Gjoni 1, Veprat e Apostujve 3:22.
Si Mbreti i Mbretërve Ai sundon mbi gjithë gjërat, i ulur në krahun e djathtë të Atit në parajsë. 1 e Korintasve 15:25.
‘Sepse Ligji u dha nëpërmjet Moisiut, por hiri dhe e vërteta u bënë me anë të Jezu Krishtit’. Gjoni 1:17.
* Dhiata e Vjetër ishte besëlidhja që Perëndia bëri me izraelitët në malin Sinai. Exodi 24:8, Hebrenjve 9:18-20, Jeremia 31:31-34. Ishte e lidhur me lavdërimin e Perëndisë me sakrificat e tabernakullit (tempullit). Është paraprirëse e Besëlidhjes së Re.
* Besëlidhja e Re u themelua nga Jezusi; Mateu 26:28. Ai e paraqet Vetveten si Qengji i ri i Pashkës, nga vdekja e të cilit krijohet Besëlidhja e Re. Kjo besëlidhje është instituti i ri i Perëndisë, me anë të të cilit Ai i vendos ata që besojnë në Të, në një marrëdhënie të re me Veten e Tij.