Gospelimages (Imazhe Ungjilli) është i përkushtuar për përhapjen e mesazhit Biblik sa më gjërësisht që të jetë e mundur përmes pikturave, por jo për arsye përfitimi. Përmes dyqanit të web-it është e mundur të blihen riprodhime të cilësisë së lartë në kanavacë të pikturës së zgjedhur. Të gjitha të ardhurat nga të drejtat do të jenë të disponueshme tek GlobalRize, “duke tejshkuar botën për Krishtin online”. www.globalrize.org Ju po largoheni nga website-i.
Kthehu te indeksi
Shkarkoe imazhin falas
A preferon një stampim në kanavacë?
Plaga e parë; uji shndërrohet në gjak
Eksodi 7:20
Moisiu dhe Aaroni vepruan ashtu, pikërisht siç i kishte urdhëruar ZOTI. Kështu ai ngriti bastunin dhe rrahu ujërat që ndodheshin në lumë, para syve të shërbëtorëve të tij; dhe të gjitha ujërat që ishin në lumë u shndërruan në gjak.Teksti i plotë i biblës
Eksodi 7:14-24.
14 ZOTI i tha Moisiut: “Zemra e Faraonit është ngulmuese;
15 ai nuk pranon ta lërë popullin të shkojë. Shko te Faraoni nesër në mëngjes, kur ai të dalë për të vajtur drejt ujit. Ti do të qëndrosh ta presësh në breg të lumit dhe do të marrësh në dorë bastunin që është shndërruar në gjarpër.
16 Dhe do t’i thuash: “ZOTI, Perëndia i hebrenjve, më ka dërguar te ti që të të them: Lëre popullin tim të shkojë që të më shërbejë në shkretëtirë; por ja, deri tani nuk ke dëgjuar”.
17 Kështu thotë ZOTI: “Nga kjo do të kuptosh që unë jam ZOTI; ja, me bastunin që kam në dorë, unë do të rrahë ujërat që janë në lumë dhe ato do të shndërrohen në gjak.
18 Dhe peshqit që janë në lumë do të ngordhin, lumi do të mbajë erë të keqe dhe egjiptasve do t’u vijë ndot të pinë ujin e lumit”.
19 Dhe ZOTI i tha Moisiut: “Thuaji Aaronit: “Merr bastunin tënd dhe shtrije dorën mbi ujërat e Egjiptit, mbi lumenjtë e tij, mbi kanalet e tij, mbi pellgjet e tij dhe mbi tv gjitha depot e ujit; kështu ato do të bëhen gjak. Dhe do të ketë gjak në të gjithë vendin e Egjiptit, si në enët prej druri, ashtu edhe në enët prej guri”.
20 Moisiu dhe Aaroni vepruan ashtu, pikërisht siç i kishte urdhëruar ZOTI. Kështu ai ngriti bastunin dhe rrahu ujërat që ndodheshin në lumë, para syve të shërbëtorëve të tij; dhe të gjitha ujërat që ishin në lumë u shndërruan në gjak.
21 Dhe peshqit që ishin në lumë ngordhën; dhe lumi u qelb, kështu që egjiptasit nuk mund të pinin më ujin e lumit. Kështu pati gjak në tërë vendin e egjiptit.
22 Por magjistarët e Egjiptit bënë të njëjtën gjë me artet e tyre të fshehta; dhe zemra e Faraonit u ngurtësua dhe ai nuk i dëgjoi ata, ashtu siç kishte thënë Zoti.
23 Pas kësaj Faraoni ktheu krahët dhe u drejtua nga shtëpia e tij; dhe nuk i dha rëndësi as kësaj gjëje.
24 Dhe tërë egjiptasit gërmuan në afërsi të lumit për të kërkuar ujë të pijshëm, sepse nuk mund të pinin ujin e lumit.
25 Kaluan kështu shtatë ditë, që kur ZOTI kishte rrahur lumin.
Mbi pikturën
Si lajmëtarë të Perëndisë, Moisiu dhe Aaroni duhet t’i flasin faraonit: Lëre popullin tim të shkojë që të më shërbejë në shkretëtirë;. Faraoni refuzon të njohë Perëndinë dhe të lerë popullin e Tij të shkojë. Pastaj vijon një përballje. Perëndia i tregon gjithëfuqinë e Tij faraonit duke shkaktuar plagë mbi Egjiptin. Këto plagë do ta detyrojnë faraonin më në fund ta lerë popullin e Perëndisë të shkojë.
Plaga e parë është shndërrimi i ujërave të Egjiptit në gjak. Kur faraoni del për te lumi në mëngjes, Moisiu dhe Aaroni duhet ta ballafaqojnë atë në breg të Nilit. Ata duhet t’ia bëjnë të qartë atij, se për shkak të refuzimit të tij, uji i Nilit do të kthehet në gjak.
Përpara syve të faraonit, Moisiu (ose Aaroni) godet ujin me stafin që më parë ishte shndërruar në gjarpër, dhe burimi i ujit të Egjiptit kthehet në gjak, kështu që peshqit ngordhin dhe një erë vdekje ngrihet. Magjistarët e faraonit nuk mund ta shndërrojnë gjakun në ujë sërish, por duket se janë në gjendje të kthejnë ujin në gjak edhe ata, kështu që faraoni i qëndron refuzimit të tij. Ai e ngurtëson zemrën e tij dhe vendos të mos pranojë Perëndinë.
- Moisiu vepron si ‘ndërmjetës i Besëlidhjes së Vjetër’ e cila sjell ndëshkimin e Perëndisë mbi shtypësin. Në fund ai (Moisiu), do ta udhëheqë popullin jashtë Egjiptit.
Moisiu është një parafytyrim i ‘Ndërmjetësit të Besëlidhjes së Re’, e cila te Zbulesa 19 quhet ‘Fjala e Perëndisë’. Ai është personi që kalëron kalin e bardhë, i cili zbaton gjykimin mbi johebrenjtë. Për këtë arsye, rroba e tij është ‘e ngjyer në gjak’. (Zbulesa 19:13).
Vargu 15 thotë: “... do të shkelë vozën e verës së mërisë dhe zemërimit të Perëndisë së Gjithëpushtetshëm”.
Te Zbulesa 16:3-8, lexojmë rreth një gjykimi të Perëndisë, ku uji kthehet në gjak. Sipas 16:6, ky është shpagimi për derdhjen e gjakut të njerëzve të shenjtë dhe të profetëve.
Shndërrimi i ujit në gjak te Eksodi 7, mund të jetë po ashtu shpagim për mbytjen e bijve hebrenj të sapolindur në lumin Nil.
- Në plagën e parë, uji shndërrohet në gjak. Shenja/mrekullia e parë që Jezusi bëri në publik, ishte shndërrimi i ujit në verë. Gjoni 2.
Në Darkën e Fundit, Jezusi e lidh verën me gjakun kur Ai thotë: “Kjo kupë (e mbushur me verë) është besëlidhja e re në gjakun tim, që derdhet për ju...”. Luka 22:20. Gjaku i Tij u derdh për ne kur Ai mbarti gjykimin e fundit në vendin tonë.