Gospelimages (Imazhe Ungjilli) është i përkushtuar për përhapjen e mesazhit Biblik sa më gjërësisht që të jetë e mundur përmes pikturave, por jo për arsye përfitimi. Përmes dyqanit të web-it është e mundur të blihen riprodhime të cilësisë së lartë në kanavacë të pikturës së zgjedhur. Të gjitha të ardhurat nga të drejtat do të jenë të disponueshme tek GlobalRize, “duke tejshkuar botën për Krishtin online”. www.globalrize.org Ju po largoheni nga website-i.
Kthehu te indeksi
Shkarkoe imazhin falas
A preferon një stampim në kanavacë?
Thirrja e Moisiut
Eksodi 3:6
Pastaj tha dhe këto fjalë: “Unë jam Perëndia i atit tënd, Perëndia i Abrahamit, Perëndia i Isakut dhe Perëndia i Jakobit”. Dhe Moisiu fshehu fytyrën e tij, sepse kishte frikë të shikonte Perëndinë.Teksti i plotë i biblës
Eksodi 3:1-6.
1 Ndërkaq Moisiu po kulloste kopenë e Jethros, vjehrrit të tij dhe prift i Midianit; ai e çoi kopenë matanë shkretëtirës dhe arriti në malin e Perëndisë, në Horeb.
2 Dhe Engjëlli i ZOTIT iu shfaq në një flakë zjarri, në mes të një ferrishteje, Moisiu vështroi dhe, ja, ferrishtja po digjej nga zjarri, por nuk përpihej.
3 Atëherë Moisiu tha: “Tani do të zhvendosem për të parë këtë shfaqje madhështore: pse ferrishtja nuk po digjet?!”.
4 ZOTI vuri re që ai ishte zhvendosur për të parë dhe Perëndia e thirri nga mesi i ferrishtës dhe i tha: “Moisi! Moisi!”. Ai u përgjigj:
“Ja ku jam”.
5 Perëndia tha: “Mos u afro këtu: hiq sandalet nga këmbët, sepse vendi në të cilin ndodhesh është vend i shenjtë”.
6 Pastaj tha dhe këto fjalë: “Unë jam Perëndia i atit tënd, Perëndia i Abrahamit, Perëndia i Isakut dhe Perëndia i Jakobit”. Dhe Moisiu fshehu fytyrën e tij, sepse kishte frikë të shikonte Perëndinë.
Mbi pikturën
Moisiu jeton si bari në Midian. Ai kujdeset për kopenë e vjehrrit të tij Jethro. Më parë, kur ai ishte 40 vjeç, ai kishte bërë një përpjekje q t’i nxiste në rebelim njerëzit e Izraelit, kundër regjimit shtypës të Egjiptianëve. Në atë përpjekje ai kishte vrarë një egjiptian. Sidoqoftë, ai kishte dështuar në përpjekjen për të mbledhur njerëz për rebelim. Veprat 7:23-28, Gjoni 1:11.
Atëherë Moisiu kishte ikur në Midian.
Në këtë kohë ai drejton kopenë afër malit Horeb, dhe vë re diçka të veçantë; një ferrishte në flakë. Edhe pse ferrishtja është në zjarr, ajo nuk digjet. Perëndia (Engjëlli i Zotit), e zbulon Vetveten në mes flakëve. Ai e urdhëron Moisiun: “Hiq sandalet nga këmbët, sepse vendi në të cilin ndodhesh është vend i shenjtë”.
Moisiu emocionohet shumë nga prania e Perëndisë dhe nuk guxon ta shikojë Atë.
Perëndia (Jahweh) prezanton Vetveten si Perëndia i paraardhësve të tij, dhe i thotë Moisiut: “E kam parë në fakt mizerjen e popullit tim në Egjipt. I kam dëgjuar rënkimet e tyre”. Eksodi 2:24.
Misioni i Moisiut do të jetë që të vejë te faraoni dhe të udhëheqë popullin e Izraelit jashtë Egjiptit, sipas premtimit që Perëndia i dha Abrahamit te Zanafilla 15.
Moisiu kujtohet për përpjekjen e mëparshme të dështuar, për të mbledhur popullin pas vetes dhe ngre kundërshtime. Ai e konsideron veten e tij të paaftë dhe ka frikë se njerëzit nuk do ta besojnë se ai vepron për llogari të Perëndisë. Zoti është i mëshirshëm karshi Moisiut dhe i pranon vërejtjet e tij. Atij i lejohet të shkojë te faraoni i shoqëruar nga vëllai i tij Aaroni. Këtë herë Perëndia do ta realizojë largimin nga Egjipti.
- Në disa pasazhe në Bibël, zjarri është një pamje e pranisë hyjnore. Zanafilla 15:17, Eksodi 19:18, Psalmi 18:9. Ferrishtja në flakë është pamje e popullit të Izraelit që po vuan por që po ruhet nga Perëndia. Një pamje e Perëndisë së përjetshme, që jeton në mes të popullit të Tij, duke e pastruar dhe ruajtur atë. Zakaria 2:5.
Ligji i Përtërirë 4:20 e quan Egjiptin: furra e hekurt, që është zjarri spastrues dhe sprovues.
- Rreth 400 vite më parë, Perëndia e drejtoi Jakobin dhe pasardhje e tij në Egjipt, ku bollëku i grurit i bënte njerëzit të lulëzonin dhe të shumoheshin. Në fund të kësaj epoke, shtypja egjiptase i bëri njerëzit të lëngonin për tokën e premtuar të qumështit dhe mjaltit.