Gospelimages (Imazhe Ungjilli) është i përkushtuar për përhapjen e mesazhit Biblik sa më gjërësisht që të jetë e mundur përmes pikturave, por jo për arsye përfitimi. Përmes dyqanit të web-it është e mundur të blihen riprodhime të cilësisë së lartë në kanavacë të pikturës së zgjedhur. Të gjitha të ardhurat nga të drejtat do të jenë të disponueshme tek GlobalRize, “duke tejshkuar botën për Krishtin online”. www.globalrize.org Ju po largoheni nga website-i.
Kthehu te indeksi
Shkarkoe imazhin falas
A preferon një stampim në kanavacë?
Pagëzimi i Jezusit
Mateu 3:16
Dhe Jezusi, sapo u pagëzua, doli nga uji; dhe, ja, qiejt u hapën dhe ai pa Frymën e Perëndisë të zbresë si një pëllumb e të vijë mbi të;Teksti i plotë i biblës
Mateu 3:13-17.
13 Atëherë erdhi Jezusi nga Galileja në Jordan, te Gjoni, për t’u pagëzuar prej tij.
14 Por Gjoni e kundërshtoi fort, duke i thënë: “Unë kam nevojë të pagëzohem prej teje dhe ti po vjen tek unë?”.
15 Dhe Jezusi, duke iu përgjigjur, i tha: “Lejo të bëhet për tani, sepse në këtë mënyrë përmbushim çdo drejtësi”. Atëherë ai e lejoi.
16 Dhe Jezusi, sapo u pagëzua, doli nga uji; dhe, ja, qiejt u hapën dhe ai pa Frymën e Perëndisë të zbresë si një pëllumb e të vijë mbi të;
17 dhe, ja, një zë prej qiellit që tha: “Ky është Biri im i dashur, në të cilin gjeta pëlqim”.
Mbi pikturën
Gjon Pagëzori ishte pararendësi ose paralajmëtari i Mbretit Jezus. Misioni i tij ishte të përgatiste njerëzit për ardhjen e Tij. Si profet, ai trumbeton rreth e rrotull se Mbreti po vjen, dhe se kushdo që dëshiron të përfshihet në Mbretërinë e Tij ka nevojë për kthim në besim dhe për pastrim të zemrës. Njerëzit që rrëfejnë mëkatet e tyre me synimin që jetët e tyre të rigjenerohen, pagëzohen nga Gjoni në lumin Jordan si një shenjë e pastrimit të tyre.
Kur Jezusi është rreth tridhjetë vjeç, Ai po vjen te Jordani për t’u pagëzuar nga Gjoni. Fillimisht Gjoni refuzon; ai e di se Jezusi nuk ka nevojë as për kthim në besim e as për pastrim. Sidoqoftë, qëllimi i Jezusit është të përmbushë të gjithë urdhërimet dhe statutet e Perëndisë (Galatasve 4:4), dhe kështu të përmbushë ‘gjithë drejtësinë’.
“... atë që nuk njihte mëkat, e bëri mëkat për ne...’ – 2 Korintasve 5:21. Kështu ky pagëzim ishte vërtet përulës për Jezusin.
Pas pagëzimit, Fryma e Shenjtë zbret mbi Jezusin në formën e një pëllumbi, dhe zëri i Perëndisë Atë flet: “Ky është Biri im i dashur, në të cilin gjeta pëlqim”.
Vajosja me Frymën e Shenjtë e pajisi Mesian për misionin e Tij publik si Shërbëtori i ZOTIT. Isaia 42.
Jezusi ishte rrethprerë 8 ditë pas lindjes së tij. (Luka 2:21). Pasi u pagëzua nga Gjoni, tani Jezusi e ka sjellë rrethprerjen e tij në përmbushje të plotë. Përmbushja është shenja e besëlidhjes me Perëndinë. Kjo Besëlidhje po vazhdon dhe do vijë në formë përmbushjeje në ‘Mbretërinë e Perëndisë’.
Si për shembull Pashka e Dhiatës së Vjetër arriti formën e përmbushur në Darkën e Fundit, ashtu edhe rrethprerja, që është shenja e besëlidhjes, ka ardhur në formën e vet të përmbushur në ‘Pagëzimin-Mbretërim’.
Psalmi 2:7-8:
7 Do të shpall dekretin e Zotit. Ai
më ka thënë: “Ti je biri im, sot
më linde”.
8 Më kërko dhe unë do të të jap
kombet si trashëgimi dhe mbarë
dheun në zotërim.
Isaia 42:1:
1 “Ja shërbëtori im, që unë
përkrah, i zgjedhuri im që
më kënaq shpirtin. Kam vënë
Frymën time mbi të; ai do t’ju
sjell drejtësinë kombeve;”.
Mateu 17:5:
5 Ndërsa ai fliste ende, ja, një re
plot dritë i mbuloi; dhe, ja, nga
reja u dëgjua një zë që thoshte:
“Ky është Biri im i dashur, në të
cilin gjeta pëlqim: dëgjojeni!”.
Kolosianëve 1:13:
13 Ai na nxori nga pushteti i
errësirës dhe na zhvendosi në
mbretërinë e Birit të tij të dashur...”.