Gospelimages (Imazhe Ungjilli) është i përkushtuar për përhapjen e mesazhit Biblik sa më gjërësisht që të jetë e mundur përmes pikturave, por jo për arsye përfitimi. Përmes dyqanit të web-it është e mundur të blihen riprodhime të cilësisë së lartë në kanavacë të pikturës së zgjedhur. Të gjitha të ardhurat nga të drejtat do të jenë të disponueshme tek GlobalRize, “duke tejshkuar botën për Krishtin online”. www.globalrize.org Ju po largoheni nga website-i.
Kthehu te indeksi
Shkarkoe imazhin falas
A preferon një stampim në kanavacë?
Beteja kundër Amalekut
Eksodi 17:12
Por duart e Moisiut ishin rënduar, kështu që ata morën një gur dhe ia vunë poshtë, ai u ul mbi të, ndërsa Aaroni dhe Huri ia mbanin duart, njëri nga një krah, tjetri nga krahu tjetër; kështu duart e tij mbetën të palëvizura deri në perëndimin e diellit.Teksti i plotë i biblës
Eksodi 17:8-16.
8 Atëherë erdhi Amaleku për të luftuar kundër Izraelit në Refidim.
9 Dhe Moisiu i tha Jozueut: “Zgjidh për ne disa burra dhe dil për të luftuar kundër Amalekut; nesër do të jem në majë të kodrës me shkopin e Perëndisë në dorë”.
10 Jozueu bëri ashtu siç i kishte thënë Moisiu dhe luftoi kundër Amalekut, ndërsa Moisiu, Aaroni dhe Huri u ngjitën në majë të kodrës.
11 Dhe ndodhi që, kur Moisiu ngrinte dorën e tij, Izraeli fitonte; përkundrazi, kur e ulte dorën, fitonte Amaleku.
12 Por duart e Moisiut ishin rënduar, kështu që ata morën një gur dhe ia vunë poshtë, ai u ul mbi të, ndërsa Aaroni dhe Huri ia mbanin duart, njëri nga një krah, tjetri nga krahu tjetër; kështu duart e tij mbetën të palëvizura deri në perëndimin e diellit.
13 Prandaj Jozueu mundi Amalekun dhe njerëzit e tij, duke i prerë me shpata.
14 Pastaj ZOTI i tha Moisiut: “Shkruaje këtë ngjarje në një libër, që të mos harrohet kurrë dhe njofto Jozueun që unë do ta fshij fare kujtimin e Amalekut nën qiell”.
15 Moisiu ndërtoi pastaj një altar, të cilit ia vuri emrin: “ZOTI është flamuri im”; dhe tha:
16 “Dora u ngrit kundër fronit të ZOTIT dhe ZOTI do t’i bëjë luftë Amalekut brez pas brezi”.
Mbi pikturën
Amalakitët, pasardhës të Ezaut, sulmojnë popullin e Izraelit në kampin Refidim, jo larg nga mali Sinai. Izraelitët duhet të mësojnë në shkretëtirë, që t’i besojnë Perëndisë në të gjitha rrethanat. Jo vetëm të kenë besim se Zoti do japë ujë nga shkëmbi dhe mana si ushqim, ata gjithashtu duhet të kenë besim në ndihmën e Tij kur sulmohen nga armiku.
Moisiu e udhëzon Jozueut të vejë në luftë kundër Amalekut, por në atë betejë fitorja është e mundur vetëm me ndihmën e Perëndisë. Izraeli është populli i Perëndisë, dhe ai që lufton kundër Izraelit, lufton kundër Perëndisë (vargu 16).
Moisiu e mban lart stafin, përmes të cilit Perëndia kryen mrekullitë e shumta në Egjipt, si flamur / shenjë fushëbeteje në luftë.
Kur Moisiu i ul duart me stafin në to për shkak të lodhjes, Amalakitët fitojnë. Aaroni dhe Huri e ndihmojnë Moisiun që ta mbajë lart stafin. Atëherë Izraelitët e mundin Amalekun.
Psalmi 20:6-8 :
6 Tani e di që ZOTI shpëton të
vajosurin e tij; do t’i përgjigjet
nga qielli i tij i shenjtë me forcën
shpëtimtare të dorës së tij të djathtë.
7 Disa kanë besim te qerret dhe të
tjerë te kuajt, por ne do të kujtojmë
emrin e ZOTIT, Perëndisë tonë.
8 Ata u përkulën dhe ranë; por ne
u ngritëm përsëri dhe mbahemi në
këmbë.
Shih Isaia 31, ku përmendet beteja e Zotit për Sionin (Jerusalemin).
Të krishterët lejohen të bashkëndajnë bekimet e besëlidhjes së Perëndisë me Abrahamin. Në luftën shpirtërore ata përballen me fuqi demonike, të cilat ata mund t’i mposhtin vetëm nëse janë veshur me ‘parzmoren e plotë të Perëndisë’. Efesianëve 6:10-18.