Gospelimages (Imazhe Ungjilli) është i përkushtuar për përhapjen e mesazhit Biblik sa më gjërësisht që të jetë e mundur përmes pikturave, por jo për arsye përfitimi. Përmes dyqanit të web-it është e mundur të blihen riprodhime të cilësisë së lartë në kanavacë të pikturës së zgjedhur. Të gjitha të ardhurat nga të drejtat do të jenë të disponueshme tek GlobalRize, “duke tejshkuar botën për Krishtin online”. www.globalrize.org Ju po largoheni nga website-i.
Kthehu te indeksi
Shkarkoe imazhin falas
A preferon një stampim në kanavacë?
Jezusi qetëson stuhinë
Mateu 8:23-27
23 Dhe mbasi ai hipi në barkë, dishepujt e tij e ndiqnin. 24 Dhe ja që u ngrit në det një stuhi aq e madhe, sa valët po e mbulonin barkën; por ai flinte. 25 Dhe dishepujt e tij iu afruan dhe e zgjuan, duke i thënë: “O Zot, na shpëto, po humbasim!”. 26 Dhe ai u tha atyre: “Pse keni frikë, o njerëz besimpakë?”. Dhe, pasi u ngrit, qortoi erërat dhe detin; dhe u bë bunacë e madhe. 27 Atëherë njerëzit u mrekulluan dhe thoshin: “Kush është ky, të cilit po i binden deti dhe erërat?”.Teksti i plotë i biblës
Mateu 8:23-27
23 Dhe mbasi ai hipi në barkë, dishepujt e tij e ndiqnin.
24 Dhe ja që u ngrit në det një stuhi aq e madhe, sa valët po e mbulonin barkën; por ai flinte.
25 Dhe dishepujt e tij iu afruan dhe e zgjuan, duke i thënë: “O Zot, na shpëto, po humbasim!”.
26 Dhe ai u tha atyre: “Pse keni frikë, o njerëz besimpakë?”. Dhe, pasi u ngrit, qortoi erërat dhe detin; dhe u bë bunacë e madhe.
27 Atëherë njerëzit u mrekulluan dhe thoshin: “Kush është ky, të cilit po i binden deti dhe erërat?”.
Mbi pikturën
Shih edhe Marku 4:35-41, Luka 8:22-25
Pas një dite të lodhshme mësimdhënieje, Jezusi dëshiron të kalojë Liqenin e Galilesë. Dishepujt e tij e ndjekin Atë në anije. Tekstet që vijnë menjëherë para kësaj historie, tregojnë se si ndiqet Jezusi. Mateu 8:18-22.
Jezusi bie në gjumë në kiç, mbi një jastëk. (Marku 4:38). Ai (jastëk) është një thes rëre që përdoret për të ekuilibruar anijen.
Pastaj një stuhi e madhe ngrihet. Atëherë, dishepujt, të cilët ishin peshkatarë nga profesioni dhe njiheshin me situatën e liqenit, nuk mund ta ndalonin mbytjen e anijes. Në trazimin e tyre ata zgjojnë Jezusin duke thirrur: “O Zot, na shpëto, po humbasim!”. Në ankthin e tyre, sidoqoftë, ata kuptojnë se Ai mund t’i ndihmojë. Duke u zgjuar, Jezusi i pyet ata se pse janë kaq të shqetësuar. “Ku është besimi juaj?”. Luka 8:25.
Atëherë ai ngrihet dhe “qorton” erërat dhe detin. ‘Dhe u bë bunacë e madhe’.
Dishepujt tani frikësohen për një arsye tjetër, dhe thonë: “Kush është ky, të cilit po i binden deti dhe erërat?”. Kjo mrekulli tregon autoritetin hyjnor të Zotit Jezus. Në fund të fundit, askush nuk mund të kontrollojë dhe urdhërojë elementët e natyrës në mënyrë të tillë përveçse Perëndia vetë.
Dhiata e Vjetër thotë:
Psalmi 89:8-9
8 O Zot, Perëndi i ushtrive, kush është i fuqishëm si ti, o Zot? Besnikëria jote të rrethon kudo.
9 Ti e sundon tërbimin e detit; kur valët e tij ngrihen, ti i qetëson.
Shih gjithashtu Psalmi 65:8, Psalmi 93:4, Psalmi 107:23-32, Isaia 51:9-10
Jezusi vërtetoi jo vetëm që ka fuqi mbi sëmundjet dhe mbi forcat demoniake duke i çliruar njerëzit prej tyre, por tani Ai tregon po ashtu autoritet mbi forcat natyrore. Kjo tregon edhe më qartë se Ai është më shumë se njerëzor: Ai është një me Perëndinë Atë. Te Luka 9:20, Jezusi pyet: “Po ju kush thoni se jam unë? Atëherë Pjetri duke u përgjigjur tha; “Krishti (Mesia) i Perëndisë””.
Kisha ndonjëherë krahasohet me një anije. Gjithë llojet e furtunave mund të ngrihen që kërcënojnë ta zhysin; persekutimi, mësimet e rreme, mëkati, kundërshtimet e djallit. Rezistenca me të cilën ndeshet Jezusi në botë ndikon edhe ndjekësit e Tij.
Është për t’u shënuar se në librin e Jobit, Djallit i jepet mundësia nga Perëndia, që të ndikojë mbi gjithçka që kishte Jobi, përveç jetës së tij. Te Jobi 1:19, përmendet një erë e stuhishme që e shkakton shtëpinë ku ishin fëmijët e Jobit, të shkatërrohet. A ka gisht Djalli te stuhia në liqen?
Fjala “qortim” përdoret po ashtu diku tjetër kur Jezusi i drejtohet fuqive demonike dhe të sëmundjeve.
Sidoqoftë, në çdo stuhi, Zoti i Kishës ka autoritet mbi forcat që e kërcënojnë. Kjo histori i bën thirrje ndjekësve të Jezusit që të kenë besim në Të në çdo situatë.