Gospelimages (Imazhe Ungjilli) është i përkushtuar për përhapjen e mesazhit Biblik sa më gjërësisht që të jetë e mundur përmes pikturave, por jo për arsye përfitimi. Përmes dyqanit të web-it është e mundur të blihen riprodhime të cilësisë së lartë në kanavacë të pikturës së zgjedhur. Të gjitha të ardhurat nga të drejtat do të jenë të disponueshme tek GlobalRize, “duke tejshkuar botën për Krishtin online”. www.globalrize.org Ju po largoheni nga website-i.
Kthehu te indeksi
Shkarkoe imazhin falas
A preferon një stampim në kanavacë?
Ushqimi i mrekullueshëm
Marku 6:41
41 Dhe ai si mori të pesë bukët dhe të dy peshqit, ngriti sytë nga qielli, i bekoi dhe i theu bukët dhe ua dha dishepujve të vet, që t’ua vinin përpara atyre; dhe të dy peshqit ua ndau të gjithëve.Teksti i plotë i biblës
Marku 6:32-44.
32 U nisën, pra, me një barkë në një vend të shkretë, veçmas.
33 Porsa turma i pa që u nisën, e shumë veta e njohën; dhe nga të gjitha qytetet erdhën aty më këmbë dhe mbërritën përpara tyre; dhe u mblodhën rreth tij.
34 dhe kur Jezusi doli nga barka, pa një turmë të madhe dhe pati dhembshuri, sepse ishin si delet pa bari; dhe nisi t’u mësojë shumë gjëra.
35 Duke qenë se u bë vonë, dishepujt e tij iu afruan dhe i thanë: “Ky vend është i shkretë dhe tashmë është vonë.
36 Lejoji këta njerëz që të shkojnë në fushat dhe në fshatrat rreth e qark që të blejnë bukë, se s’kanë gjë për të ngrënë”.
37 Por ai, duke iu përgjigjur, u tha atyre: “U jepni të hanë!”. Dhe i thanë: “A të shkojmë ne të blejmë për dyqind denarë bukë dhe t’u japim të hanë?”.
38 Por ai u tha atyre: “Sa bukë keni? Shkoni e shikoni”. Ata, mbasi e mësuan, thanë: “Pesë bukë e dy peshq”.
39 Atëherë ai i urdhëroi ata që t’i ulin të gjithë, grupe-grupe, mbi barin e njomë.
40 Kështu ata u ulën grupe-grupe nga njëqind e nga pesëdhjetë.
41 Dhe ai si mori të pesë bukët dhe të dy peshqit, ngriti sytë nga qielli, i bekoi dhe i theu bukët dhe ua dha dishepujve të vet, që t’ua vinin përpara atyre; dhe të dy peshqit ua ndau të gjithëve.
42 dhe të gjithë hëngrën dhe u ngopën.
43 Dhe mblodhën dymbëdhjetë shporta plot me copa buke dhe me mbetje peshku.
44 Dhe ata që hëngrën bukët ishin rreth pesë mijë burra.
Mbi pikturën
Shenja e ushqimit të mrekullueshëm përmendet në të gjithë ungjijtë. Kjo tregon se Perëndia dëshiron të na pajisë me nevojat tona të përkohshme, (Mateu 6:25), por në të njëjtën kohë i referohet Bukës qiellore, e cila jep jetë të përjetshme. Gjoni 6:35.
Shenja ndodh në një vend afër Bethsaidës, në veri të detit të Galilesë, në lindje të Jordanit; një vend i largët (i vetmuar).
Jezusi preket nga dhembshuria për njerëzit, të cilët janë si dele pa bari, dhe fillon t’u mësojë atyre. Kur turma bëhet e uritur në mbrëmje, Ai mrekullisht kujdeset që ata të kenë bukë dhe peshq. Ai mund të krijonte bukë “prej asgjëje”, por Ai përdor atë pak që ishte e disponueshme: pesë bukë dhe dy peshq.
Kur ai pak ushqim, shumëfishohet nën duart e Tij, dishepujt e Tij atëherë duhet të punojnë shumë për shpërndarjen e ushqimit; Perëndia i përdor njerëzit në shërbimin e Tij.
Ditën tjetër pas këtij ushqimi të mrekullueshëm, Jezusi në Kapernaum u shpjegon kuptimin e kësaj ndodhie turmave. (Gjoni 6). Ai tregon se nuk bëhet fjalë për bukën e përditshme, por për ushqimin e përhershëm. ‘Mos punoni për ushqimin që prishet, por për ushqimin që mbetet për jetë të përjetshme, të cilin do t’jua japë Biri i njeriut, sepse atë e vulosi Ati, Perëndia”. Gjoni 6:27.
Kur e pyetën ‘Çfarë duhet të bëjmë, që të bëjmë veprat e Perëndisë?’, Jezusi përgjigjet: “”Kjo është vepra e Perëndisë; Që ju të besoni në atë që ka dërguar ai”, vargu 29.
“Në të vërtetë, në të vërtetë, po ju them, Ai që beson në mua ka jetë të përjetshme”. Gjoni 6:47.
Judenjtë pritnin që Mesia t’u jepte bukë nga qielli, ashtu si Moisiu në shkretëtirë. Jezusi e di se shumë e kërkojnë Atë për bukën e përkohshme, por thotë: “Unë jam buka e gjallë që zbriti nga qielli; kush ha nga kjo bukë, do të jetojë përjetë; dhe buka që unë do të jap është mishi im, që unë do ta jap për jetën e botës”. Gjoni 6:51.
“Kush ha mishin tim dhe pi gjakun tim, ka jetë të përjetshme, dhe unë do ta ringjall atë në ditën e fundit”. Gjoni 6:54.
Jezusi kuptohet se është ushqimi shpirtëror i qëndrueshëm i gjithçkaje që Ai është; një përbashkësi jete e plotë. Për shumë ky pohim është i vështirë për t’u pranuar: “Kur i dëgjuan këto, shumë nga dishepujt e tij thanë: “E ashpër është kjo fjalë, kush mund ta dëgjojë?”. Gjoni 6:60.
Vargu 66 thotë: “Që nga ai çast, shumë nga dishepujt e tij u tërhoqën dhe nuk ecnin me të”.
Isaia 55:1-3
“1 O ju të gjithë që keni etje,
ejani tek ujërat, dhe ju që nuk
keni para ejani, blini dhe hani!
Ejani, blini pa para dhe pa paguar
verë dhe qumësht!
2 Pse shpenzoni para për atë që
nuk është bukë dhe fryt i mundit
tuaj, për atë që nuk të ngop?
Dëgjomëni me kujdes dhe do të
hani atë që është e mirë dhe
shpirti juaj do të shijojë
ushqime të shijshme.
3 Vini veshin dhe ejani tek unë,
dëgjoni dhe shpirti juaj do të jetojë;
dhe unë do të bëj me ju një besëlidhje
të përjetshme, sipas hirit të
qëndrueshëm që i premtova Davidit’.
etj.