Gospelimages (Imazhe Ungjilli) është i përkushtuar për përhapjen e mesazhit Biblik sa më gjërësisht që të jetë e mundur përmes pikturave, por jo për arsye përfitimi. Përmes dyqanit të web-it është e mundur të blihen riprodhime të cilësisë së lartë në kanavacë të pikturës së zgjedhur. Të gjitha të ardhurat nga të drejtat do të jenë të disponueshme tek GlobalRize, “duke tejshkuar botën për Krishtin online”. www.globalrize.org Ju po largoheni nga website-i.
Kthehu te indeksi
Shkarkoe imazhin falas
A preferon një stampim në kanavacë?
Jezusi ringjall të bijën e Jairit nga vdekja
Luka 8:54
Por ai, mbasi i nxori jashtë të gjithë, e kapi për dore dhe thirri duke thënë: “Vajzë çohu!”.Teksti i plotë i biblës
Luka 8:40-56
40 Dhe ndodhi që, kur Jezusi u kthye, e mirëpriti sepse të gjithë ishin duke e pritur.
41 Dhe ja, erdhi një njeri me emër Jair, që ishte kryetari i sinagogës; dhe i ra ndër këmbë Jezusit dhe iu lut të shkonte në shtëpinë e tij,
42 sepse ai kishte një vajzë të vetme rreth dymbëdhjetë vjeçe dhe ajo po vdiste. Ndërsa ai po shkonte atje, turma po shtyhej rreth tij.
43 Dhe një grua që kishte një rrjedhje gjaku prej dymbëdhjetë vjetësh dhe kishte shpenzuar ndër mjekë gjithçka ajo kishte, pa mundur që të shërohej nga asnjeri,
44 iu afrua nga pas dhe i preku cepin e rrobës së tij dhe në atë çast iu pre rrjedhja e gjakut.
45 Dhe Jezusi i tha: “Kush më preku?”. Pasi të gjithë e mohuan, Pjetri dhe ata që ishin me të, thanë: “Mjeshtër, turmat po të shtyhen dhe po të ngjeshin dhe ti thua: “Kush më preku?””.
46 Por Jezusi tha: ‘Dikush më preku, sepse e kuptova që një fuqi doli prej meje”.
47 Atëherë gruaja, duke parë se nuk e fsheh dot, erdhi duke u dridhur, dhe i ra ndër këmbë dhe i tregoi në prani të gjithë popullit, përse e kishte prekur dhe si ishte shëruar në çast.
48 Dhe ai tha: “Merr zemër, bijë; besimi yt të shpëtoi; shko në paqe!”.
49 Ndërsa ai vazhdonte të fliste, erdhi një nga shtëpia e kryetarit të sinagogës dhe i tha: “vajza jote vdiq. Mos e shqetëso Mësuesin”.
50 Por Jezusi, mbasi i dëgjoi këto, i tha: “Mos druaj; ti vetëm beso dhe ajo do shpëtojë”.
51 Por si arriti në shtëpi, nuk la asnjeri të hyjë, përveç Pjetrit, Jakobit dhe Gjonit, dhe atin e nënën e vajzës.
52 Por të gjithë qanin dhe vajtonin. Por ai tha: “Mos qani; ajo nuk ka vdekur, por po fle”.
53 Dhe ata e përqeshnin, duke e ditur se kishte vdekur.
54 Por ai, mbasi i nxori jashtë të gjithë, e kapi për dore dhe thirri duke thënë: “Vajzë çohu!”.
55 Dhe asaj iu kthye fryma e saj dhe menjëherë u çua; pastaj Jezusi urdhëroi që t’i jepnin të hante.
56 Dhe prindërit e saj mbetën të habitur. Por Jezusi i porositi të mos i thoshin kurrkujt për ngjarjen.
Mateu 18:26
26 Atëherë shërbëtori i ra ndër këmbë e i lutej duke thënë: “Zot, ji zemërgjerë me mua dhe do të t’i paguaj të gjitha”.
Marku 5:21-43
21 Dhe kur Jezusi kaloi përsëri në bregun tjetër me barkë, një turmë e madhe u mblodh rreth tij; dhe ai qëndroi në breg të detit. ...
Mbi pikturën
Jezusi mbërrin me anije në Kapernaum. Jairi, një kryetar sinagoge, bie në gjunjë para Tij dhe i lutet që të vejë me të tek e bija 12-vjeçare e cila po vdes. Ndërsa Jezusi po e shoqëronte për te banesa e tij, një grua që kish vuajtur prej gjakderdhjes për 12 vjet, prek cepin e mantelit të Tij me besimin se do shërohej nga fuqia e Tij. Jezusi i thotë asaj se besimi i saj e kish shëruar.
Kur vjen lajmi nga shtëpia e Jairit se ndërkohë e bija kish vdekur, Jezusi e inkurajon Jairin dhe i thotë të mos ketë frikë, por vetëm të besojë.
Në të dyja rastet, besimi personal në Jezusin rezulton thelbësor.
Ringjallja nga vdekja është një nga “shenjat e Mesias”. Mateu 11:3-5, Isaia 26:19, Danieli 12:2.
Kjo vërteton fuqinë e Jezusit, jo vetëm mbi elementët e natyrës, demonët dhe sëmundjet, por edhe mbi vdekjen. Nën urdhrin e Tij, fryma e bijës së Jairit u rikthye në trupin e saj.
Jezusi nuk u bë i papastër kur e preku trupin e saj të vdekur; por në të kundërt papastërtia u hoq prej saj. Gruaja me gjakderdhje e cila ishte e papastër për shkak të sëmundjes së saj, u bë e pastër duke prekur Jezusin në besim.
Sidoqoftë, ka diçka më të rëndësishme se sa ringjallja trupore nga të vdekurit.
Efesianëve 2:1 thotë: “Ai iu dha jetë edhe juve, që ishit të vdekur në shkelje dhe në mëkate”. Ekzistencë mëkatare në vdekje shpirtërore.
Kur një person vjen në besim tek Jezusi, ai/ajo merr jetën e përjetshme, dhe paçka se trupi do vdesë një ditë, shpirti do të jetojë përgjithnjë dhe më vonë do të bashkohet me trupin kur të ringjallet i ‘pakorruptueshëm’.
1 e Korintasve 15:42. Gjoni 5:19-29.
Duke vdekur si njeri, Jezusi, Biri i Perëndisë, mbajti në vendin tonë dënimin e mëkatit tonë. Kështu, përmes besimit në Të, ne mund të marrim jetë të përjetshme.
“25 Në të vërtetë, në të vërtetë po ju them: Po vjen ora, madje ka ardhur, kur të vdekurit do të dëgjojnë zërin e Birit të Perëndisë, dhe ata që e dëgjojnë do të jetojnë”. Gjoni 5:25.