Gospelimages (Imazhe Ungjilli) është i përkushtuar për përhapjen e mesazhit Biblik sa më gjërësisht që të jetë e mundur përmes pikturave, por jo për arsye përfitimi. Përmes dyqanit të web-it është e mundur të blihen riprodhime të cilësisë së lartë në kanavacë të pikturës së zgjedhur. Të gjitha të ardhurat nga të drejtat do të jenë të disponueshme tek GlobalRize, “duke tejshkuar botën për Krishtin online”. www.globalrize.org Ju po largoheni nga website-i.
Kthehu te indeksi
Shkarkoe imazhin falas
A preferon një stampim në kanavacë?
Shëmbëlltyra e mbjellësit
Mateu 13:3
Dhe u foli shumë gjëra në shëmbëlltyrë, duke thënë: “Ja, mbjellësi doli të mbjellë.Teksti i plotë i biblës
Mateu 13:1-13
1 Por në atë ditë, Jezusi, si doli nga shtëpia, u ul në breg të detit.
2 Dhe turma të mëdha u mblodhën tek ai, kështu ai hipi mbi një barkë dhe u ul; dhe gjithë populli qëndroi në breg.
3 Dhe u foli shumë gjëra në shëmbëlltyrë, duke thënë: “Ja, mbjellësi doli të mbjellë.
4 Ndërsa ai po mbillte, një pjesë e farës ra përgjatë rrugës; dhe zogjtë erdhën dhe e hëngrën.
5 Por një pjesë tjetër ra në gurishte, ku nuk kishte shumë dhe’ dhe mbiu menjëherë sepse dheu nuk ishte i thellë,
6 por kur doli dielli u fishk dhe u tha sepse s’kishte rrënjë.
7 Dhe një pjesë tjetër ra midis ferrave dhe ferrat u rritën dhe ia zunë frymën.
8 Por një tjetër ra në dhe’ të mirë dhe dha fryt, njëra njëqindfish, tjetra gjashtëdhjetëfish dhe tjetra tridhjetëfish.
9 Kush ka veshë për të dëgjuar, le të dëgjojë!”.
Qëllimi i shëmbëlltyrave.
10 Atëherë dishepujt iu afruan dhe i thanë: “Pse po u flet atyre me shëmbëlltyrë?”.
11 Dhe ai duke u përgjigjur u tha atyre: “Sepse juve ju është dhënë të njihni të fshehtat e mbretërisë së qiejve, ndërsa atyre nuk u është dhënë.
12 Sepse atij që ka, do t’i jepet dhe do të ketë me tepri; ndërsa atij që nuk ka, do t’i merret edhe ajo që ka.
13 prandaj u flas atyre me shëmbëlltyrë, sepse duke parë nuk shohin, dhe duke dëgjuar nuk dëgjojnë as nuk kuptojnë.
14 Dhe ndër përmbushet profecia e Isaias, që thotë: “Duke dëgjuar do të dëgjoni, por nuk do të merrni vesh; edhe duke parë do të shihni, por nuk do të vini re;
15 sepse zemra e këtij populli është bërë e pandjeshme, ata janë bërë të rëndë nga veshët për të dëgjuar dhe kanë mbyllur sytë e tyre, që të mos shohin me sy dhe të dëgjojnë me veshë dhe të kuptojnë me zemër e të kthehen, dhe unë t’i shëroj.
Mbi pikturën
Që prej njëfarë pike gjatë shërbesës së Tij publike, Jezusi herë pas here u mësonte turmave përmes shëmbëlltyrave. Një shëmbëlltyrë është një tregim në të cilin Ai përcjell të vërteta frymore përmes pamjeve dhe shembujve nga jeta e përditshme.
Ai e bën këtë në mënyrë që të zbulojë ato të vërteta për ata që janë në anën e Tij, por në të njëjtën kohë që t’i fshehë ato nga ata që janë kundër Tij. Mateu 13:13-17. Ai nuk u hedh perla derrave.
Shëmbëlltyra e parë është ajo e mbjellësit. Vetë Jezusi ua shpjegon shëmbëlltyrën dishepujve të Tij në vargjet 11 te 13. Shih më sipër.
Dheu në shëmbëlltyrë është zemra e njeriut. Fara është Fjala e Perëndisë, ose shpallja e ungjillit të Mbretërisë së Perëndisë.
“... të rilindur jo nga një farë që prishet, me anë të fjalës së gjallë të Perëndisë, që mbetet përjetë”. 1 e Pjetrit 1:23.
“Por fryti i Frymës është dashuria, gëzimi, paqja, zemërgjerësia, mirëdashja, besimi, zemërbutësia, vetëpërmbajtja”. Galatasve 5:22.
Perëndia mund të veprojë në prirjen e zemrës, dhe ta bëjë të jetë pranuese ndaj Fjalës së Tij.
Njerëzit që dëgjojnë Fjalën e Perëndisë janë përgjegjës për atë që bëjnë ndaj mesazhin.